Yobe 11:16 - MUKANDA WA MYIDI MUKULU

¹⁶ Kuakuvuluka makenga ebe a kale to. Neikale bu mayi a musulu mamane kupueka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bualu bua tshihua muoyo netshikukuate bua dikenga diebe, neudivuluke anu bu mai mamane kuhueka.

Yobe 11:16 Խաչաձեւ Հղումներ

Yeshaya 65:16

Bantu badi basue kujingila bakuabu diakalenga mu ditunga, nebabele lupemba, batela amu dina dia Mvidi Mukulu umue, udi ukumbaja malaya ende. Bantu badi basue kulaya malaya, nebaalaye batela amu dina dia Mvidi Mukulu umue udi ukumbaja malaya ende. Maweja-Nangila udi wamba ne: Eyowa, makenga a kale bantu kabakuavuluka kabidi to. Neajimine ku mesu anyi.

Yowanane 16:21

Padi mukaji wamba kulela, udi ne dibungama, bualu tshikondu tshiende tshia dikenga ntshifike. Kadi padiye ulela muana, kena uvuluka kabidi dikenga divuaye nadi to. Bualu udi ne disanka dia muntu udiye mufikishe panu.

Yeshaya 54:9

Nengenze lelu, bimvua muenze mu matuku a Nowa. Mvua muditshipe ne: mayi a mvula kaena mua kubuikila kabidi buloba to. Ndi nditshipa kabidi nanku lelu ne: tshiena nkufikila munda, tshiena nkutandisha kabidi to.

Yeshaya 54:4

Kutshinyi to. Kuena ufua kabidi bundu to. Kabakukupetula kabidi to. Nebakunemeke. Neupue muoyi bundu buuvua nabu ku bunsongakaji buebe. Kuakuvuluka kabidi kapeja ka diba diutshivua mukamba.

Nsumuinu 31:7

Bualu padibu banue maluvu bakuatshike, nebapue makenga abu ne bupele buabu muoyi.

Yobe 22:11

Nenku kuena mumone kabidi tshintu, bualu miidima idi ikubuikila. Mayi adi apasalala adi akubutula.

Yobe 6:15

Balunda banyi bavua bandinga bu mudi musulu mua kudinga bantu. Musulu uvua ne mayi mavule, mpindiewu ukadi mume.

Genese 41:51

Yozefe kuinyika muanende muanabute ne: Menashe, wamba ne: “Mvidi Mukulu mmumpe tshipua muoyi bua makenga anyi, ne bua dishiyangana dianyi ne bena kuetu.”

Genese 9:11

Ndondu undi ntua nenu biangatshile ku lelu udi nunku: tshiena nguwuja kabidi buloba ne mayi a tshipupu bua kubutula bionsu bidi ne muoyi, kunyangakaja bidi pa buloba.