Yirmeya 6:23 - MUKANDA WA MYIDI MUKULU

²³ Bena mvita ba mu tshisamba atshi badi ne buta bua mikete ne misongolu, badi ne tshikisu kabayi ne luse. Badi benza mutoyi bu tshiona tshia mayi manene. Badi babanda pa nyama ya tubalu, bamane kudilongolola bua kubanga mvita, bamane kuela mualu wa mvita, bua kukuluisha wewe, Siyone!

Mukanda wa Nzambi Dihungila Dikulukulu ne Dihungila Dihia-dihia 2003

²³ Badi bakuata buta ne difuma; badi ne lukisu, kabena ne luse; tshiona tshiabo tshidi bu tshiona tshia mai manene; badi babanda ha nyima ha tubalu, muntu yonso mudilongolole bua kukuluisha, wewe, muana mukashi wa Siona.

Yirmeya 6:23 Խաչաձեւ Հղումներ

Yeshaya 13:18

Nebase bansongalume mikete. Kabena bafuila bana ba ku dibele, nansha bana batekete bakuabu, luse to.”

Yirmeya 50:42

Bena mvita batshi badi basempela ne mafuma ne miele, bantu ba tshikisu, kabayi ne luse. Badi benza mutoyi, mudi mayi ela mavuala. Badi babanda pa nyama ya tubalu, bela mualu wa mvita, benda mu milongu, bua kukuluisha wewe Babilone!

Yirmeya 30:14

Nansha bantu bavua bakunanga, kabena bakuvuluka kabidi to! Kakuena muntu udi ukufuila luse to. Bualu ndi mukunyoke, mudileje bu muluishi webe. Ndi mukutuute bibi.

Yirmeya 5:16

Mikete ya mvita ya tshisamba atshi idi ibutula bantu. Bena mvita batshi bonsu badi bilobu.

Yirmeya 4:29

Bavua bela lubila ne: “Monayi matempu a mvita, monayi bena mata a mikete!” Bonsu bavua mu bimenga kunyema, kuya kusokoma muitu, kubanda pa mbuebue mu mikuna. Mu bimenga bionsu kushalamu mutupu, kamuyi muntu to.

Yirmeya 4:13

Monayi mubishi udi ubanda, bu mavuba a mvula wa tshipupu. Matempu ende a mvita adi anyema lubilu bu mvunde. Nyama yende ya tubalu idi inyema mipite nyunyi wa tshiminyi ku lubilu. Tuajiminyi, tuabutuku!

Yeshaya 19:4

Maweja-Nangila muena bukole buonsu, Mfumu wa bamfumu udi wamba ne: “Nemfile bena Ejipitu, ku bumfumu bua mfumu wa malu makole. Nebabamune kudi mukalenga wa tshinyangu.”

Dielulula 28:49

Maweja-Nangila neanutumine baluishi, bafume kule ku ndekelu wa buloba, banudi kanuyi bamanye muakulu wabu. Maweja-Nangila neele bantu abu munkatshi muenu, bu mudi nyunyi wa tshiminyi wikila pa biakudia biende.

Yeshaya 10:32

Dituku dimue adi bena Ashure badi bakuata tshimenga tshia Nobe. Badi bakanyina bena mu Siyone, mukuna wa Yerushalayime.

Yeshaya 17:12

Akia! Bisamba bungi nenku, bidi bienza mutoyi bua tshinyi? Mutoyi wabu udi bu wa tshiona tshia mayi manene. Bukua matunga budi bujuula tshimvundu, bu tshia mayi a tshibila adi apueka lubilu.

Yirmeya 6:4

Nebele mbila ne: “Jukayi, tuluishe Yerushalayime, tumuluishe munda munya. Ndiakabi kaayi edi! Diba dikadi dibuela! Mundidimbi wa dilolu udi ulepa.

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yezekiyele 21:31

Meme Maweja-Nangila Mvidi Mukulu ndi ngamba ne: kuakuikala kabidi ne bimanyinu bia bukalenga to. Nebakutale tshifulu tshia bumfumu. Malu onsu mmandamuke. Bantu bapuekele nebasombe miaba ya lumu. Bantu ba bukole nebabapuekeshe.

Yirmeya 4:16

Nuambile bisamba bionsu bualu ebu. Nudimuje bena Yerushalayime ne: baluishi bebe bakadi pabuipi. Badi bafuma kule, bela mbila ya mvita, bua kubisha bimenga bia bena Yuda.

Yirmeya 8:16

Muluishi wenu mmumane kufika ku Dane. Muadi wa tubalu tuende ukadi umvuika. Padi tubalu atu tukekemena, buloba bujima budi buzakala. Padi nyama ya tubalu ayi ifika, bionsu bidi bibutuka. Idi inyanga ditunga ne bintu bionsu bidimu, tshimenga ne bonsu badimu.

Yirmeya 25:32

Maweja-Nangila wa bukole buonsu udi wamba ne: Dikenga nedibuele mu ditunga ne mu ditunga. Mvunde udi ujuka, ufumine ku ndekelu kua buloba.

Yirmeya 50:41

Tshisamba tshidi tshifuma ku mutu kua ditunga, tshia bantu ba bungi, tshia bakalenga banene, badi bafuma ku ndekelu kua buloba.