Yirmeya 38:17 - MUKANDA WA MYIDI MUKULU

¹⁷ Nanku Yirmeya kuandamuna mukalenga Sedekiya ne: — Maweja-Nangila Mvidi Mukulu wa bukole buonsu, Mvidi Mukulu wa Izrayele udi ukuambila ne: “Wewe mumuke bua kuya kudi mulombodi wa mvita wa bena Babilone, newikale ne muoyi, wewe ne bena diku diebe, tshimenga etshi kabakutshibutula kudi kapia to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nunku Yelemiya wakambila Sedekiya ne, Yehowa wa misumba, Nzambi wa Isalele, udi wamba ne, Biwaluhuka kudi baminyampala ba mukelenge wa Babulona, nebasungile muoyo webe ne kabena bosha musoko eu ne kahia; wewe newikale ne muoyo ne ba mu nsubu muebe.

Yirmeya 38:17 Խաչաձեւ Հղումներ

Yirmeya 27:12

Yirmeya uvua mumanyishe Sedekiya, mukalenga wa bena Yuda, malu a mushindu umue, umuambila ne: — Wewe ne bantu bebe, nudi ne bua kuanyisha mua kuambula mutshi wa bupika udi Nebukadnesare, mukalenga wa mu Babilone, muteke pa makaya enu. Numuenzele mudimu, yeye ne bantu bende. Nanku kanuakufua to.

Yirmeya 38:2

— Maweja-Nangila udi wamba ne: “Muntu yonsu washala mu tshimenga etshi neafue ku mvita, ku tshiyole tshia nzala, nansha ku disama dia tshiambu. Kadi muntu yonsu umuka mu tshimenga etshi, bua kuya kudifila kudi bena Babilone, neashale ne muoyi.”

Yirmeya 27:17

Kanubateleji to. Enzelayi amu mukalenga wa mu Babilone mudimu. Nanku kanuakufua to. Tshimenga etshi ki mbimpe batshibutule nansha.

Yirmeya 39:3

Nanku balombodi bonsu ba bena mvita ba bena Babilone kubuela mu tshimenga, kuimanabu ku tshiibi tshia pankatshinkatshi. Muaba awu, uvua Nergale-Sareshe, mulombodi wa balombodi ba bena mvita, Samgare-Nebo, Sare-Sekime, muntu uvua mufidi wa ngenyi wa kumpala wa mukalenga, ne balombodi ba bena mvita ba bena Babilone bakuabu bonsu.

2 Bakalenga 24:12

Ke mukalenga Yowakine kumuka mu tshimenga ne mamuende, balombodi ba bena mvita bende, bena mudimu bende bavua bamanyike bikole, kabidi ne bantu bonsu bavuaye mutekemene bikole. Yowakine kuya kudi mukalenga wa bena Babilone. Kadi, mukalenga wa bena Babilone kubela mu nzubu wa lukanu. Tshikondu atshi, Nebukadnesare uvua mumane kulala mu bukalenga bidimu muanda mukulu.

Amosa 5:27

Ke mundi musue kunutuma mu bupika, mutantshi mule ne tshimenga tshia Damase. Meme ndi njadika nanku, Maweja-Nangila, Mvidi Mukulu wa bukole buonsu.

Misambu 80:14

ngulube wa ditu udi uunyanga, nyama ya tshisuku idi iudia.

Misambu 80:7

Udi mutukebeshe matandu kudi bena mutumba, baluishi betu badi batulembakaja.

1 Kulondolola 17:24

Eyowa, bionsu bikumbane. Nanku wewe newikale ne lumu kashidi. Bantu nebambe ne: “Mvidi Mukulu wa bena Izrayele, Mvidi Mukulu udi wambuluisha bena Izrayele, ke Maweja-Nangila, mfumu wa buloba bujima.” Wewe ujadike ndelanganyi yanyi mu bukalenga.

Yobe 23:13

Mvidi Mukulu udi muena diyi dimue. Udi mua kuandamuna ngenzelu yende udiku anyi? Tshidiye musue, udi amu utshikumbaja.

Ezela 9:4

Meme kushala nanku too ne diba divuabu balambule mulambu wa dilolu. Bantu bonsu bavua batshina dinyoka, divua Mvidi Mukulu mua kunyoka bena Izrayele bafume ku bupika bavua benza bualu bubi abu, kusemenabu kundi.

Genese 12:13

Ndi nkusengelela ne: ubambile ne: Abrame mmuanetu. Nanku kabakunshipa to. Nempete diakalenga bualu buebe.

2 Bakalenga 25:27

Yowakine, mukalenga wa bena Yuda, mumane kulala mu bupika bidimu makumi asatu ne muanda mutekete, Evile-Merodake, kudia bukalenga mu Babilone. Mu matuku makumi abidi ne muanda mukulu a ngondu wa dikumi ne muibidi, tshidimu atshi, Evile-Merodake kufuila Yowakine luse, kumupatula mu nzubu wa lukanu.

Yirmeya 27:8

Pikala bena tshisamba kampanda, anyi bena bukalenga, babenga kuitaba ku diyi dia mukalenga Nebukadnesare, nansha babenga kuambula mutshi wa bupika udiye ubateka pa makaya, nembanyoke ne mvita, ne tshiyole tshia nzala, kabidi ne disama dia tshiambu. Nengambuluishe Nebukadnesare bua amone mua kubutula bantu aba.

Yirmeya 40:9

Ngedaliya kubambila ne: — Kanutshinyi to. Anyishayi bukalenga bua bena Babilone. Sombayi mu ditunga. Nuitabe bumfumu bua mukalenga wa Babilone. Ndi nnulaya ne: nenuikale ne diakalenga.

Yezekiyele 8:4

Butumbi bua Mvidi Mukulu wa Izrayele kumuenekela muaba awu, anu bu mumvua mubumone mu tshibandabanda.

Yirmeya 44:7

Yirmeya kuamba ne: — Mpindiewu Maweja-Nangila wa bukole buonsu Mvidi Mukulu wa Izrayele udi unukonka ne: “Nuenu nudi basue kudienzela anu bibi bua tshinyi? Nudi basue kujimija tshisamba tshijima tshia bena Yuda, balume, bakaji, bansonga ne bana batekete mene, anyi? Nudi basue bua bena Yuda bonsu bafue anyi?