Yirmeya 22:14 - MUKANDA WA MYIDI MUKULU

¹⁴ Udi wamba ne: “Ndi musue kuibaka nzubu munene wa bukalenga, muikale ne nzubu mialabale ya bilala kulu.” Udi uyibaka ne madidishi ku bimana. Udi ulamika mabaya a mitshi ya sedre ku bimana. Udi ulaba mukubu mukunze pa nzubu mujima.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ udi wamba ne, Nendiashile nsubu munene udi ne nsubu mikuabo minene munda, udi utekamu madidishi a bungi; udi uteka mabaya a cèdre ku bisasa, udi ulabahu mukubu mukunzekunvû.

Yirmeya 22:14 Խաչաձեւ Հղումներ

2 Samuele 7:2

Dituku dikuabu, mukalenga Davide kuambila muambi Natane ne: — Meme Davide ndi musombe mu nzubu muasa ne mitshi ya sedre, kadi mushete wa Maweja-Nangila wa tshijila udi anu mu ntenta wa bilamba. Udi wela meji kaayi?

Agayi 1:4

Panudi nuenu basombe mu nzubu yenu milengeja bimpe, wanyi meme munyanguke, nudi nuenza bimpe anyi?

Malaki 1:4

Pikala bena Edome bamba ne: “Mbatubunde, kadi netuibake tshiakabidi bimenga bietu bidibu banyangakaje.” Meme Maweja-Nangila wa bukole buonsu ndi ngamba ne: “Nansha bibake tshiakabidi bimenga abi, kadi meme ne-mbiupule.” Nebinyike ditunga diabu ne: “Ditunga dia malu mabi.” Badi basombamu nebabinyike ne: “Bantu badi Maweja-Nangila ulekela tshiji.”

Danyele 4:30

Diakamue bualu ebu kuenzekabu. Kuipatabu Nebukadnesare munkatshi mua bantu. Kubangaye kudia bisosa, mudi ngombe idia. Mubidi wende kubola ne lumuma. Nsuki yende kulepa, bu masala a nyunyi ya tshiminyi. Nzadi yende kudiunda bu ya nyunyi.

Yeshaya 9:9

“Nzubu ya tushole ivuabu bupule, nebibakulule ne mabue masonga! Nansha bobu bashimbule makunji a mitshi ya sikomore, ki mbualu to. Netupingaje pa mutu pawu makunji a mitshi ya sedre!”

Musambu wa Solomo 1:17

Makunji a nzubu wetu ke mitshi ya sedre; mikamba ya ku tshimana, ke mitshi ya siprese.

Nsumuinu 24:27

Bangabanga ne kuasa nzubu, anji kujikija midimu yebe ya pambelu, udime madimi ebe bua unowe biakudia.

Nsumuinu 17:19

Udi musue kutandangana, mmusue kupia tshibawu. Udi udileja mudiye ne ditambisha neabutuke.

2 Kulondolola 3:5

Ku bimana bia mu tshibambalu tshinene bavua balamikaku mabaya a mutshi wa pin, malamika tshiamu tshia mpawungi menemene. Bavua bazola pa mabaya apa malala a mabue ne nkanu ya majitamajita.

Yezekiyele 23:14

Kadi Okoliba utua muenze bibi bipite. Dituku dikuabu, kumonaye bantu batuabu bazola ku tshimana, balaba mukubu mukunze. Bimfuanyi abi bitua bileja bena Babilone.

Amosa 6:8

Maweja-Nangila, Mvidi Mukulu wa bukole buonsu mmuditshipe ne: “Meme Mvidi Mukulu mulelela, ndi njadika ne: lutambishi lua badi basomba mu bukalenga bua Izrayele ludi lunkuatshisha munyanji. Tshiena musue nzubu yabu milenga. Samariya ne bonsu badi basombamu, ndi mbifila kudi baluishi babu.”