Yeshaya 6:2 - MUKANDA WA MYIDI MUKULU

² Baserafine bavua bimane ku mutu kuende. Serafine yonsu uvua ne mapuapua asambombu: abidi mabuikile mpala wende, abidi mabuikile mubidi wende, ne makuabu abidi a kubuka nawu.

Mukanda wa Nzambi Dihungila Dikulukulu ne Dihungila Dihia-dihia 2003

² Ha mutu handi hakimana baselafima; muselafima ne muselafima wakadi ne mahuahua asambombo. Wakabuikila mesu andi ne mahuahua abidi, wakabuikila makasa andi ne abidi, ne wakahahala ne abidi makuabo.

Yeshaya 6:2 Խաչաձեւ Հղումներ

Genese 17:3

Abrame kudiela mutu panshi. Mvidi Mukulu kumuambila ne:

1 Bakalenga 19:13

Anu muambi Eliya umvua tshiona atshi, kudibuikilaye tshinkutu tshiende. Kupatukaye mu lubuebue, kuimana mu mbelu. Kumvuaye kabidi diyi dimukonka ne: — Eliya, muaba ewu udi wenza tshinyi?

1 Bakalenga 22:19

Mika kuamba kabidi ne: — Teleja anu tshidi Maweja-Nangila wamba ne: Ndi mumone Maweja-Nangila musombe mu nkuasa wende wa bukalenga, bena mudimu bende bonsu ba mu diulu, bimana, aba ku dia balume diende, bakuabu ku dia bakaji.

1 Bakalenga 6:27

Kutekabu bakerubine munkatshi mua tshibambalu tshiena ne mushete wa ndondu. Bakerubine abu bavua bolola mapuapua. Dipuapua dia Kerubine wa kumpala divua dilenga ku tshimana tshimue tshia tshibambalu atshi. Dipuapua dia Kerubine muibidi divua dilenga ku tshimana tshikuabu. Kadi mapuapua makuabu abidi avua malengangane munkatshi mua tshibambalu.

1 Bakalenga 8:7

Bualu mapuapua a bakerubine avua muolola pa mutu pa muaba uvuabu bamane kulongolola bua kuteka mushete. Nanku, mapuapua avua mabuikila mushete, ne milonda ivuabu bawambuila nayi.

Nehemya 9:6

Wewe nkayebe ke udi Maweja-Nangila! Udi mufuke diulu dialabale, ne mitotu yonsu! Udi mufuki wa buloba ne bionsu bidipu, wa mayi manene ne bionsu bidi binyungamu. Udi upesha tshifukibua tshionsu muoyi. Makole onsu a mu diulu adi akukukuila.

Yobe 1:6

Kadi dituku dikuabu, batumibue ba Mvidi Mukulu bavua bamanyisha Maweja-Nangila bivuabu bamona. Satane mufundianganyi uvua kabidi munkatshi muabu.

Yobe 15:15

Mvidi Mukulu kena mutekemene nansha kudi batumibue bende. Diulu ditshidi anu dimueneka bu didi ne mikiya ku mesu ende.

Yobe 4:18

Mvidi Mukulu udi mua kudiwula bena mudimu bende, udi usangana bilema nansha kudi batumibue bende.

Misambu 103:20

Nuenu batumibue ba Mvidi Mukulu, nuenu badi benza tshidiye wamba ne bukole buonsu, ne badi bamutumikila, elayi Maweja-Nangila tuasakidila.

Misambu 104:4

Udi utuma mpepele bu batumibue bebe, kapia ke webe muena mudimu.

Misambu 18:10

Maweja-Nangila kunzulula diulu, kupueka pa mavuba mafiike,

Misambu 89:7

Maweja-Nangila, kuena ne wa kukuidikija nende mu diulu amu, nansha ku bamvidie bonsu, kakuena mvidie udi bu wewe.

Ekesode 25:20

Bimfuanyi abi, bikale bitangilangane, binangile pa tshibuikidiji tshia mushete, biolola mapuapua mulu bua kubuikila mushete awu.

Ekesode 3:6

Meme ndi Mvidi Mukulu wa bankambua bebe: wa Abrahame, wa Izake ne wa Yakobe. Moshe kubuikila mpala, bualu uvua utshina bua kutangila Mvidi Mukulu.

Ekesode 37:9

Bakerubine abu bavua batangilangane, binangila pa tshibuikidiji, bolola mapuapua mulu, bua kubuikila tshibuikidiji tshia mushete atshi.

Yeshaya 6:6

Kadi umue wa ku baserafine kubuka mutangile kundi. Uvua muambule ne nkala dikala dia kapia divuaye mukuate pa tshilambuilu.

Yezekiyele 1:11

Mapuapua ayi abidi avua muolole mulu matuangane, mapuapua makuabu abidi avua mabuikile mibidi yayi.

Yezekiyele 1:24

Pavua nyama yenda, meme kumvua mutoyi wa mapuapua anu bu mutoyi wa mayi manene akungula, nansha bu mudi dikubakuba dikole dia Mvidi Mukulu wa bukole buonsu, nansha bu mudi mutoyi wa bena mvita bapite bungi. Pavua nyama imana, ivua ipuekesha mapuapua ayi.

Yezekiyele 1:4

Bimvua mumone mbiebi: lupepele lukole lua mvunde, luvua lufumina ku mutu wa ditunga, lusaka dituba dinene dinyungulukila kudi bukenke. Mu divuba amu mutua mupatuka miele ya mvula. Munkatshi mua divuba edi, muvua kapia katema bu tshiamu tshiengelela.

Yezekiyele 1:6

Nyama yonsu itua ne mpala inayi, kabidi ne mapuapua anayi.

Yezekiyele 1:9

Nsongu ya mapuapua itua milengangane. Nyama eyi ivua yenda kumpala yonsu pamue buludi, mubidi wayi kauyi ukudimuka.

Yezekiyele 10:16

Pasuabu batungunuka, nkata ivua yenda nabu. Pavuabu banyungisha mapuapua bua kubuka pa buloba, nkata ivua anu mibalamate.

Yezekiyele 10:21

Nyama yonsu uvua ne mpala inayi, mapuapua anayi, ne bintu bu bianza bia bantu muinshi mua mapuapua.

Danyele 7:10

Musulu wa kapia kupatuka, kupueka kumpala kuende. Bantu bitotu, makumi a bitotu, kuimana kumpala kuende, bua kumuenzela mudimu. Pashishe bena tshilumbuluilu kusomba bua kulumbuluisha. Kubululabu mikanda.

Danyele 9:21

Pantshiwa ntendelela nanku, Ngabriyele, mutumibue wa Mvidi Mukulu, umvua mumone kumpala, diba diwa Mvidi Mukulu mundeje malu, kusemena pabuipi nanyi ne lukasa luonsu, diba didibu balambula mulambu wa dilolu.

Zekâya 3:4

Mutumibue wa Mvidi Mukulu kuambila batumibue bavuaye nabu ne: numuvule bilamba abi. Pashishe kuambilaye Yeshuwa ne: — Ndi mukumushe bubi buebe. Nenkuvuadike bilamba bia tshibilu.

Luke 1:10

Diba divuabu bosha musenga wa kamonya, bantu bonsu bavua batendelela pambelu.

Ebrewu 1:7

Bua batumibue, Mvidi Mukulu uvua muambe ne: “Mvidi Mukulu udi wenza batumibue bende mueyelu, bena mudimu bende, ndimi ya kapia.”

Didimanyisha 14:6

Pashishe meme kumona mutumibue mukuabu ubuuka mulu menemene. Uvua ne bua kumanyisha bantu bonsu ba pa buloba, ba mu bisamba bionsu, ba mu meku onsu, ba miakulu yonsu, ne ba mu matunga onsu, Lumu lua Disanka ludi lushala kashidi.

Didimanyisha 4:8

Tshia muoyi tshionsu tshivua ne mapuapua asambombu, kabidi ne mesu nseke yonsu, munda ne panyima. Bionsu binayi bidi amu bimba munya ne butuku, biamba ne: “Maweja-Nangila, Mvidi Mukulu wa bukole buonsu, udi wa tshijila, wa tshijila, wa tshijila. Uvuaku, udiku, kabidi udi ufika.”

Didimanyisha 7:11

Batumibue bonsu bavua banyungulukile nkuasa wa butumbi, bakulu, ne Bia muoyi binayi. Bavua badiela mpala panshi kumpala kua nkuasa wa butumbi, bakukuila Mvidi Mukulu,

Didimanyisha 8:13

Meme kumona kabidi nyunyi wa tshiminyi ubuuka mulu mule. Meme kumvua nyunyi awu udila bikole ne: “Eyi dikenga! Dikenga dinene! Dikenga nedikuate bantu ba pa buloba, pelabu mpungi kudi batumibue bakuabu basatu!”