Yeshaya 51:14 - MUKANDA WA MYIDI MUKULU

¹⁴ Nkushale amu matuku makese, bena lukanu nebabapatule mu nzubu wa lukanu. Kabakufuila mu nzubu wa lukanu. Kabakupanga kabidi tshiakudia.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Muena lukanu udi mukoke nyima neasululuke ku nkanu lubilu; kena ufua bua kuhueka biandi mu Tshina tshia Bafue, ne bia kudia biandi kabiena bihanga.

Yeshaya 51:14 Խաչաձեւ Հղումներ

Ezela 1:5

Bamfumu ba meku a bena Yuda, ne a bena Binyamine, batuangaji, bena Levi, ne bantu bonsu bavua Maweja-Nangila Mvidi Mukulu mupeshe lungenyi lua kuya kuibakulula nzubu wende mu Yerushalayime, kudilongololabu bua kuya.

Yeshaya 30:20

Maweja-Nangila neanupeshe biakudia ne biakunua, bungi bupite bunuvua kanuyi nabu diba dia dikenga ne dia tshiyole. Kena musue kunusokoma kabidi to. Nenumone ne mesu enu abidi ewu udi unulongesha.

Yeshaya 33:6

Bena tshisamba tshia Maweja-Nangila, nenusombe mu ditunga ne mimuemue. Kuikala bena meji, kumanya Mvidi Mukulu, ke biuma bidi bitufikisha ku lupandu. Kutshina Maweja-Nangila, ke buenu bubanji!

Yeshaya 48:20

Patukayi mu Babilone. Nyemayi lubilu lukole. Nuele mbila ya disanka, numanyishe bualu ebu, too ne ku nshikidilu kua buloba. Buambayi, bumanyishayi, nuambe ne: “Maweja-Nangila mmuangate bualu bua Izrayele, muntu wende, ne manza abidi.”

Yeshaya 49:10

Kabakufua kabidi nzala nansha nyota to. Nansha tshipepele tshia mu tshipela, nansha munya mukole kabiakubakuata to. Bualu Meme udi ubaludika, ndi mbananga. Nembanuishe mayi matalale a mu mpokolu.

Yeshaya 49:25

Kadi meme Maweja-Nangila ndi ngamba ne: Eyowa, nennyenge tshilobu tshia mvita, muntu uvuaye muele mu lukanu. Nendiapule mukalenga wa tshikisu tshintu tshivuaye mupawule mu mvita! Yerushalayime, meme nkayanyi, nenduangane ne bena lukuna bebe, bua kupandisha bana bebe.

Yeshaya 52:2

Lupuishi ndukulamate pambidi. Kadi wewe Yerushalayime, ditutula lupuishi elu. Juka kulu, uye kusomba pa nkuasa webe wa bukalenga. Wewe Siyone, uvua muena lukanu, disulula mionji idi mikunjingila mu nshingu.

Yirmeya 37:16

Kuelabu Yirmeya mu nzubu wa lukanu wa munda mua buloba. Kushalayemu mutantshi mule.

Zekâya 9:11

Maweja-Nangila udi wamba ne: “Bualu bua ndondu undi mutue nenu, udi mashi a nyama ya milambu mashindike, nempikule bana benu badi mu lukanu, badi basomba mu bupika bu mu tshina katshiyi ne mayi.