Yeshaya 32:19 - MUKANDA WA MYIDI MUKULU

¹⁹ Mabue a mvula nealoke bikole muitu, mua baluishi babu, tshimenga tshiabu netshidine mu mayi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Kadi mabue a nvula neamate mu kubutuka kua ditu; nebashimbule musoko mene.

Yeshaya 32:19 Խաչաձեւ Հղումներ

Yeshaya 28:17

Monji wa kupima nawu, newikale buakane. Nshinga wa kululamija nende, ke kuenza malu mimpe.” Kadi mabue a mvula neumushe, dishima dienu dinudi batekemene. Mayi neabumbule, muaba unuvua banyemene.

Yeshaya 30:30

Maweja-Nangila neakule. Bantu nebumvue bukole bua diyi diende. Nealeje mudiye ne diboku dia bukole, dia kunyoka nadi bantu. Nealeje bantu patoke, mudi tshiji tshiende tshikole. Neabatumine kapia, kadi kosha kashidisha. Neabatumine mvula wa mudimbi, wa mabue, ne nkuba.

Yeshaya 28:2

Kadi Maweja-Nangila neatume muntu udi ne bukole, udi mufuane mvula mukole wa mabue, nansha tshipupu tshidi tshinyangakaja bionsu. Udi bu mvula wa mudimbi, wa mayi mapasalala miaba yonsu. Maweja-Nangila udi olola tshianza, utonkola tshimenga panshi musangu umue.

Yeshaya 26:5

Bualu yeye uvua mutulule panshi bantu bavua basombe miaba mitumbuke. Uvua mushimbule, tshimenga tshivuabu kabayi mua kukuata. Uvua mubumbule bimana biatshi, mubilandakaje, mubiele panshi.

Zekâya 11:2

Mitshi ya siprese, asayi miadi. Mbakose mitshi ya sedre, mbabutule mitshi mimpe. Mitshi ya nsanga ya mu Bashane, tuayi mikemu, mbasole difu dienu, divua muntu kayi mua kubuela.

Didimanyisha 18:21

Nenku mutumibue wa dikanda kuambula dibue dia bujitu, bu didibu bapela nadi. Kudielaye mu mayi manene, wamba ne: “Ke muelabu tshimenga tshinene tshia Babilone panshi ne bukole buonsu. Kabakutshimona kabidi kashidi kashidi.

Didimanyisha 8:7

Mutumibue wa kumpala kuela mpungi. Mvula wa mabue ne kapia, bisambakana ne mashi, kulokabi pa buloba. Tshia bisatu tshimue tshia buloba, tshia mitshi, ne bisosa bibishi bionsu kupiabi.

Matayi 7:25

Mvula kuloka, misulu kuwula kupasalalangana, tshipepele kutuuta bikole ku nzubu. Kadi nzubu nansha kushimbuka, bualu bavua bamuibake pa dibue.

Nahume 1:8

nansha mu dikenga dikole dipite. Kadi udi ubutula baluishi bende, ubatuma mu kandondu ka bafue.

Nahume 1:1

Mu mukanda ewu mudi malu avua Mvidi Mukulu mumanyishe muambi Nahume, wa mu musoku wa Elkoshe, bua kukanyina bena tshimenga tshia Ninive.

Yeshaya 37:24

Wewe uvua mutume bantu bebe, bua bampende meme Maweja-Nangila. “Uvua wamba ne: ‘Meme Senakeribe, ndi ne matempu a mvita mapite bungi. Ndi mubande ku nsongu ya mikuna. Ndi muye ne munkatshi mua ditunga dia Lebanone, bua kukosa mitshi ya sedre, idi mipite mikuabu yonsu ku buimpe, ne mitshi ya siprese, idi mipite mikuabu yonsu ku bule. Nemfike ku nsongu ya mikuna, ku ndekelu kuayi, ne munkatshi mua ditu.

Yeshaya 27:10

Mu tshimenga tshivuabu bakoleshe ne bimana, mudi mutupu. Tshimenga tshidi amu bu mu tshipela, kamuyi bantu. Ngombe idi idiamu, ilalamu, ibulukuta mabeji a mitshi.

Yeshaya 25:4

Bualu bapele ne bena dikenga bavua banyemena kuudi, wewe kubalama bimpe. Wewe uvua bu muaba wa kupengamena, diba didi mvula mukole uloka. Uvua bu muaba wa dileji, padi diba diosha buloba. — Bualu tshikisu tshia bena tshinyangu, tshidi bu mudi mvula wa tshipupu,

Yeshaya 24:10

Tshimenga tshidi tshinyanguke, katshiyi ne bantu ba bungi. Bantu badi bashala, badi badipayila mu nzubu.

Yeshaya 10:19

Mu ditu dia bena Ashure, nemushale mitshi bungi bukese, budi muana mutekete mua kubadika.

Yeshaya 10:18

Neavingutule ditu dijima, ne mitshi ya bimuma yonsu. Ne bikale bu muntu munyane ne disama.

Yeshaya 24:12

Mu tshimenga mudi mushale amu nzubu minyanguke. Tshiibi tshia tshimenga ntshitshibulukangane tshionsu.

Yeshaya 25:2

Wewe uvua mudishimbuile tshimenga, tshishale dikolu, uvua mubutule tshimenga, tshivuabu bakoleshe ne bimana, tshishale munda mutupu kamuyi bantu. Muaba uvua bena ditambisha bakoleshe ne bimana, kautshiena kabidi tshimenga to. Kabena mua kuwibakulula kabidi nansha.

Yeshaya 29:4

Neupone panshi mu buloba. Diyi diebe nediumvuike, bu didi difumina muinshi mua buloba, dipitshila mu lupuishi. Nedikale bu diyi ditekete dia mukishi, didi difuma mu kandondu ka buloba.

Yeshaya 10:33

Mfumu wa bamfumu, Maweja-Nangila muena bukole buonsu, udi ubabunda bu mudibu bakosa matamba a mutshi ne muele mutue. Nebakose mitshi milemile; idi mitumbuke nebayupule, bayele panshi.