Yeshaya 3:24 - MUKANDA WA MYIDI MUKULU

²⁴ Pa mutu pa kununka mupuya muimpe wa manananshi, nebanunke mupuya mubi wa bintu bibole. Pa mutu pa mukaba, nebavuale anu muonji. Pa mutu pa kulukisha nsuki bimpe, nebakungule mu mutu. Pa mutu pa bilamba bilenga, nebavuale bia madilu. Eyowa, bulenga buabu nebuandamuke bundu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Halua tshikondo atshi, mu muaba wa bintu bia muhuya muimpe nemuikale bintu bibole; mu muaba wa kusuikabo mukaba wa tshilulu nebasuike nshinga; mu muaba wa nsuki idi miluka bihia nemuikale mabala, ne mu muaba wakadibo baluata diyeke dimpe, nebadijingile ne tshilulu tshidi tshiosha; nsalu ya muhika misadibue ne tshiamu tshidi tshiosha nebikale mu muaba wa bulengele bua mpala yabo.

Yeshaya 3:24 Խաչաձեւ Հղումներ

Estere 2:12

Bansongakaji bavua mu lupangu bavua ne bua kukumbaja tshidimu tshijima, benza bionsu bivuabu babafundila, bua kulengeja nabi mubidi wabu. Ngondu isambombu ya kumpala, bavua babafita mafuta a mire; minga isambombu ivua ilonda, bavua babafita mafuta a manananshi, ne bintu bikuabu bia kulengeja nabi bakaji. Pashishe, nsongakaji yonsu uvua ne tshiende tshikondu tshivuaye ne bua kubuela ku nzubu kuvua mukalenga Ahashaveroshe.

Yobe 16:15

Tshilamba tshia lufuila tshidi pambidi panyi diba dionsu. Ndi nsomba mu lupuishi, tshiyi kabidi ne bukole.

Nsumuinu 31:24

Udi ukuma bilamba, ubipana, upanyisha bangenda mushinga mikaba ya mu tshimonu.

Nsumuinu 7:17

Pa bulalu buanyi, ndi mumiaminepu manananshi a mishindu mishilangane: a mire, a alowe ne a kanele.

Yeshaya 15:2

Bena mu Dibone badi baya muaba wabu wa tshijila bua kudila. Bena Mowabe kuela miyenga, pa mukuna wa Nebo ne mu tshimenga tshia Medeba. Badi bakungula mu mitu, babeya miedi.

Yeshaya 15:3

Mu misesu ya mu bimenga, bantu badi bavuala bilamba bia madilu. Bonsu badi bela miyenga, badila pa mitu ya nzubu, ne mu bisalu.

Yeshaya 22:12

Dituku adi, Maweja-Nangila, Mvidi Mukulu muena bukole buonsu, uvua munubele bua nudile muadi, bua nunyingalale, nubeye nsuki, nuvuale bilamba bia mu madilu.

Yeshaya 3:23

mintumpu, mitelu mimpe, bitambala bia mu nshingu, ne bia ku mutu.

Yeshaya 4:4

Maweja-Nangila neatume kapepa ka buakane, ka kulengeja naku bantu. Pikala Maweja-Nangila mumane kusukula manyanu a bakaji ba mu Yerushalayime, pikalaye mumane kumbusha mashi a bantu avua Siyone mupumune muende,

Yeshaya 57:9

Udi udilaba mafuta, udiela ne manananshi a mupuya muimpe, bua kuya kutendelela mvidie Meleke. Uvua mutume bantu mutantshi mule ne mikenji. Wewe kubatuma too ne ku muaba wa bafue.

Yirmeya 4:8

Vualayi bilamba bikayapale, nudile miadi, nudituute bianza pa tshiadi. Bualu Maweja-Nangila utshidi ne tshiji, unulondakaja ne tshiji tshiende tshikole.

Yirmeya 48:37

Bantu balume bonsu neakungule nsuki, babeya miedi yabu. Bavua batapa nsalu ku bianza biabu bienza mputa, bavuale bilamba bia lufuila.

Yirmeya 49:3

Nuenu bena Eshebone dilayi muadi. Nuambe ne: “Tshimenga tshia Ayi ntshibutuke.” Nuenu misoku idi mutumba ne Raba, lombayi bua banuambuluishe. Luatayi bilamba bia lufuila. Dilayi muadi. Lambakanayi mu lupangu eku ne kuaka: mvidie Milkome udi uya mu ditunga dia bende mu bupika, pamue ne batuangaji bende ne balombodi ba mu bukalenga.

Yirmeya 6:26

Bantu banyi bena Izrayele, nuvuale bilamba bia madilu. Nubunguluke mu butu. Nuase miadi, mudibu badila muana mulele umue. Nudile miadi bikole, bualu mushipi wa bantu, neafike kanuyi bamumone to.

Muadi 2:10

Bafidi ba ngenyi ba mu Siyone badi basomba panshi, bapuwa. Badi badiela buloba mu mitu, baluate bilamba bia madilu. Nsongakaji ya mu Yerushalayime idi yenda miname panshi.

Yezekiyele 27:31

Bavua babeya nsuki bualu buebe, bavuala bilamba bikayabale. Bavua babungama, bakudila, batua mikemu bikole.

Yezekiyele 7:18

Nebavuale bilamba bikayapale. Luzakalu nelubakuate. Bundu budi bumuenekela pa mpala yabu. Nebakungule bonsu mu mitu yabu.

Yowele 1:8

Asayi muadi, mudi mukaji utshidi nsongakaji wenza mu madilu, udila bayende utshivua umuselelaku!

Lewitiki 26:16

nenku nennunyoke mushindu ewu: “Nennukuatshishe bowa, nunyane, nupete disama dia mubidi luya. Makenga aa neanupangishe mua kumona bimpe. Nenushale ne muoyi matuku makese. Nenukune biakudia mu madimi enu, kadi nebabidie amu kudi baluishi benu.

Amosa 8:10

Nengandamune bibilu bienu bia masanka, bienza matuku a madilu a nuenu kudila. mMisambu inudi nuimba nutshionkomoka, neyandamuke yonsu misambu ya miadi ne mikemu. Nenuvuale bonsu bilamba bikayapale, nenukungule mitu yenu yonsu bu baledi badi mu madilu, badila nsongalume mulela anu umue. Dituku adi nedijike mu tshinyongopelu, mu kanyinganyinga kakole, kakuyi udi unusamba.

Mika 1:16

Nuenu badi basomba mu Yerushalayime, nubeye nsuki, nukungule mu mutu, mushale dibala, bu dia mukanku. Nudile bana benu banudi bananga: bualu nebaye nabu kule mu bupika.

Dielulula 28:22

Nenunyane, nupeta mubidi luya ne biuja. Biakudia bienu nebiume ne munanga; nansha nebibole. Neanukengeshe nenku too ne panuabutuka bonsu.

Dielulula 32:24

Nzala mimane kutekesha bena Izrayele, mubidi luya ne disama dia tshiambu bimane kubakuata, nembatumine nyama ya lonji, kabidi ne nyoka ya lulengu.

1 Petro 3:3

Kanukebi kudilengeja amu pambidi, bu munudi nulukisha nsuki, nuvuala bilengejilu bia mpawungi, nansha bilamba bimpe.

Didimanyisha 11:3

Meme nentume bajadiki banyi babidi, bavuale bilamba bikayapale. Matuku tshinunu nkama ibidi ne makumi asambombu aa, nebamanyishe bantu bidi Mvidi Mukulu mubambile.

Didimanyisha 16:9

Munya kuosha bantu bikole. Ke bantu kusendeka dina dia Mvidi Mukulu uvua ulongolola bipupu ebi. Kadi kabavua badilengeja, kabavua batumbisha Mvidi Mukulu to.

Didimanyisha 18:9

Bakalenga ba buloba, bavua benze nende malu a bundu, basanke pamue ne bubanji buende, nebadile, bele miyenga, pamonabu muinshi wa kapia kadi kosha tshimenga.