Yakobe 1:9 - MUKANDA WA MYIDI MUKULU

⁹ Muanetu mupele asanke, bualu Mvidi Mukulu udi umubandisha kulu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Muanʼetu wa mu Kilisto udi muhuekele atumbile mu dibandishibua diandi;

Yakobe 1:9 Խաչաձեւ Հղումներ

Misambu 62:9

— Nuenu bonsu, bantu ba Mvidi Mukulu, tekemenayi amu kudiye. Numupuile ntatu yenu. Yeye ke muaba utudi mua kunyemena.

Nsumuinu 17:5

Muntu udi useka bapele udi useka Mvidi Mukulu udi mubafuke. Muntu udi usanka padi dikenga dikuata mukuabu nebamunyoke.

Nsumuinu 19:1

Mbimpe kuikala mupele udi ulonda njila wa buakane, pa mutu pa kuikala mutatakane udi wakula ushima bantu.

Yeshaya 29:19

Maweja-Nangila neavudijile bantu bapuekele disanka. Bantu badiombola ba mu buloba, nebasanke, bualu bua Maweja-Nangila wa tshijila, Mvidi Mukulu wa Izrayele.

Luke 1:52

Uvua mutonkole bakalenga ba matunga mu nkuasa yabu ya bumfumu. Uvua muzangike ba muoyi mupuekele.

Luke 10:20

Kadi kanusanki nangananga bualu mikishi mibi idi inutumikila. Nusanke amu, bualu mbamane kufunda mena enu mu diulu.

Luke 14:11

Bualu muntu yonsu udi uditambisha, nebamufuishe bundu. Muntu yonsu udi udipuekesha, neapete lumu.

Luke 9:48

ubambila ne: — Muntu udi wakidila muana ewu mu dina dianyi, mmungakidile meme mene. Udi ungakidila meme, udi wakidila kabidi uvua muntume. Bualu udi mushadile kunudi nuenu bonsu, ke udi mupite bonsu mene.

Rome 8:17

Patudi bana bende, netupiane bilenga bivua Mvidi Mukulu mulaye bantu bende. Netubipiane pamue ne Kristu. Bualu patudi tukenga badisange ne Kristu, netusanke nende pamue mu butumbi bua momumue.

2 Korente 6:10

Badi batubungamija, kadi tudi tuleja amu disanka. Tudi tumueneka bu bapele, kadi tudi tunemesha bantu bavule. Tudi tumueneka bu badi ku bianza kutupu, kadi tudi ne bionsu.

Dielulula 15:11

Mu ditunga dienu nemuikale bapele misangu yonsu. Ke pandi nnuambila ne: nuikale ne muoyi muimpe. Nuvuluke bana benu bapele, ne bena dikenga badi munkatshi muenu.

Dielulula 15:7

Pikala muntu mupele munkatshi mua bana benu, mu tshimenga tshia ditunga dianupesha Maweja-Nangila Mvidi Mukulu wenu, unusomba tshintu, kanumuiminyi to.

Dielulula 15:9

Nudimuke. Kanuikadi ne meji mabi a ne: tshidimu tshia muanda mutekete tshia kulekelangana mabanza tshidi pabuipi. Kanutatshishi muanenu mupele bua bualu abu. Kanumupadi tshintu tshidiye ulomba. Bualu yeye mudidile Maweja-Nangila, nenuikale bena tshibawu.

Filipe 3:14

Nanku ntshidi mu njila, nyema lubilu, bua mpete nsala wa kalumbandi. Nsala awu ke muoyi mupiamupia udi Mvidi Mukulu mutubikidile, bua tuupetele mu diulu kudi Yezu Kristu.

Filipe 3:3

Bualu badibu bateka panshi menemene mu bulelela ntuetu, ki mbobu nansha. Bualu tuetu tudi tutendelela Mvidi Mukulu ku bukole bua Mueyelu wende. Tudi tuditemba amu bua Yezu Kristu. Katuena tutekemena ku bidi bantu benza.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Didimanyisha 2:9

Ndi mumanye muyuabu bakukengeshe. mBakushiye mupele. Kadi bua kuamba bimpe, udi ne biuma! Ndi mumanye mudi badi badiamba bena Yuda bakujana. Kadi kabena bena Yuda to. Badi tshisumbu tshia bantu ba diabolu!

1 Samuele 2:8

Udi ujula mupela uvua mudishinde panshi. Umushe ku diala muena dikenga udibu bimansha, bua kumusombesha miaba ya lumu, pamue ne bantu banene. Buloba bujima budi bua Maweja-Nangila. Yeye ke udi mubuimanyike pa makunji abu.