Osheya 8:11 - MUKANDA WA MYIDI MUKULU

¹¹ Bena Efrayime bavua bavudije bilambuilu, kadi biobi abi bidi bibafikisha ku buenzayi bupite bungi. — Kia! Bilambuilu bidi bifikisha ku bubi! Ke bualu budi muntu mua kumvua anyi? —

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bualu bua Bena Efelayima bakuvudisha bioshelu bua kuenzelahu malu mabi, nunku bioshelu ebi biakulua bintu bidi bi benzesha bubi.

Osheya 8:11 Խաչաձեւ Հղումներ

Yirmeya 16:13

Nenku nennuipate mu ditunga edi, bua nuye mu dikuabu, divua baledi benu kabayi bamanye, dinuvua nuenu mene kanuyi bamanye. Kuine aku nenutendelele munya ne butuku mvidie ya bantu ba bisamba bikuabu. Kadi meme tshiakunuenzela kabidi bualu buimpe nansha bumue.”

Yirmeya 17:1

— Tshilema tshia bena Yuda tshidi mu muoyi wabu kashidi. Tshidi amu bu miaku idibu bafunde ne ntapu wa tshiamu, nansha ne lusongu lua dibue dia mbongu. Bavua batshifunde kabidi ne ku matumba adi ku bilambuilu biabu.

Osheya 10:8

Miaba yonsu ya tshijila, ivua bena Izrayele benza malu mabi, mminyanguke. Tshisuku ne meba a mingonga mbibuikile bilambuilu biabu. Musangu awu, nebambile mikuna minene ne mikese ne: “Nutubuikile! Nutupukile.”

Osheya 12:11

Tshikondu atshi, mvua mumanyishe bambi meji anyi. Mvua mubaleje malu mishindu mishilangane. Kudi bambi ke kundi nnumanyishila, nansha lelu mene, bindi musue kuenza.

Osheya 5:4

Buenzayi bua bena Izrayele mbupite. Nanku kabena mua kupingana kabidi kudi Mvidi Mukulu wabu to. Meji a bena Izrayele, adi anu ku tshiendenda. Kabena bamanye Maweja-Nangila.

Dielulula 4:28

Mu matunga awu, nenuikale nutendelela mvidie ya mabue, nansha ya mitshi misonga kudi bantu, idi kayiyi imona, kayiyi yumvua, kayiyi idia, nansha inunkila.