Osheya 5:12 - MUKANDA WA MYIDI MUKULU

¹² Mpindiewu, meme Maweja-Nangila ndi bu tshiuja ne tufina kudi bena Efrayime. Ndi bu mputa mubole wa lubangu kudi bena Yuda.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku meme ndi bu tshibayibayi kudi Bena Efelayima, ne kudi Bena Yuda ndi bu tshintu tshibole.

Osheya 5:12 Խաչաձեւ Հղումներ

Yobe 13:28

Kadi ndi amu bu mutshi mumane kuuma, nansha bu tshilamba tshimana kudia kudi musuasua.

Misambu 39:11

Ukadi muntuute, mbikumbane. Mituutu yebe idi mipite.

Nsumuinu 12:4

Mukaji wa bukitu udi ukebela bayende lumu. Mukaji mubi udi bu disama didi didia mifuba ya bayende.

Yeshaya 5:24

Nenku bantu aba nebabutuke, mudi kapia kuosha bisosa, mudi ndimi ya kapia ilakuka ku bisuku. Nebabutuke bonsu mudi miji ibola, mudi bilongu biuma, bipona panshi. Bualu bavua badiwule dilongesha, dia Maweja-Nangila muena bukole buonsu, babenge diyi dia Mvidi Mukulu wa tshijila wa bena Izrayele.

Yeshaya 50:9

Eyowa, Maweja-Nangila Mvidi Mukulu udi umbingisha. Udi mua kungamba ne: udi muena tshibawu nnganyi? Bena lukuna banyi nebasunsuke bonsu, mudi tshilamba tshisunsuka, padibu batshidia kudi musuasua.

Yeshaya 51:8

Bualu nebasunsuke, bu tshilamba tshidibu badia kudi musuasua. Kadi lupandu lundi mfika nalu, nelushale matuku onsu. Bumfumu buanyi nebutungunuke ku ndelanganyi ne ku ndelanganyi ya bantu.”

Yona 4:7

Butshia dinda, pa kabundubundu, Mvidi Mukulu kutuma tshishi. Kudiatshi mutshi awu, mutshi kufuba.