Nsumuinu 28:26 - MUKANDA WA MYIDI MUKULU

²⁶ Muntu udi uditekemena amu yeye nkayende, mmubule lungenyi. Kadi udi wenda ukeba meji neasombe ne ditalala.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Udi weyemena mutshima wandi udi muhote, kadi udi ulonda meji neahandishibue.

Nsumuinu 28:26 Խաչաձեւ Հղումներ

2 Bakalenga 8:13

Azayele kumukonka ne: — Meme tshiena mukalenga, kadi ndi mua kuenza bionsu ebi mushindu kaayi? Muambi Elisha kuandamuna ne: — Maweja-Nangila udi undeja ne: wewe newikale mukalenga wa bena Siriya.

Yobe 28:28

Pashishe uvua wambila bantu ne: “Meji nkunemeka Maweja-Nangila. Lungenyi nkumuka ku malu mabi.”

Nsumuinu 2:12

Nebikuepule ku dienza malu mabi, nebikumushe kudi bantu badi bashimangana,

Nsumuinu 26:12

Wewe musangane muntu udiamba mudiye muena meji, mbimpe kutekemena kudi mutshimbakane pa muntu pa kutekemena kudiye.

Nsumuinu 3:5

Kulondi amu lungenyi luebe wewe nkayebe. Kadi utekemene muebe muonsu kudi Maweja-Nangila.

Nsumuinu 3:7

Lekela kuditangila bu muena meji. Kadi tshina Maweja-Nangila, epuka bubi.

Yirmeya 17:9

— Udi mua kumanya muoyi wa muntu nnganyi? Muoyi wende udi usama, kabayi mua kuondapa. Udi udinga bantu, kabayi mua kujingulula.

Rome 8:7

Bantu badi badina ne kasuki ku dienza dia bidi buntu buabu nkayabu bujinga, badi baluishi ba Mvidi Mukulu. Bualu kabena batumikila mikenji yende. Kabena nansha ne bukole bua kuyitumikila.

2 Timote 3:15

Bualu bituadije ku buana buebe, udi mumanye Mikanda ya tshijila, idi mua kukupa meji adi mua kukufikisha ku lupandu, paudi witaba Yezu Kristu.

Yakobe 1:5

Kadi padi muntu wa kunudi ubula meji, aalombe kudi Mvidi Mukulu. Neamupeshewu, bualu Mvidi Mukulu udi upesha bonsu ne kalolo kabidi ne disanka.