Nsumuinu 28:11 - MUKANDA WA MYIDI MUKULU

¹¹ Muena biuma udi udimona bu muena meji. Kadi mupele wa lungenyi udi umutandula.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Muntu mubanji udi wela meji ne, Ndi ne meji, kadi muhele udi ne dijingulula dia mianda udi ukononona tshikadilu tshiandi.

Nsumuinu 28:11 Խաչաձեւ Հղումներ

Yobe 32:9

Meji adi muntu nawu kaena afuma ku bungi bua bidimu biende nansha. Muntu udi mumanye bidi bantu ne bua kuenza, ki mmuntu uvua mulale panu bikole to.

Nsumuinu 18:11

Kadi muena biuma udi utangila biuma biende bu tshimenga tshikolesha ne bimana, wela meji ne: ke bidi bindama.

Nsumuinu 18:17

Muntu udi ulumbulula kumpala utu umueka bu mubinga. Kadi padi muena tshilumbu nende ufika, udi umupisha.

Nsumuinu 19:1

Mbimpe kuikala mupele udi ulonda njila wa buakane, pa mutu pa kuikala mutatakane udi wakula ushima bantu.

Nsumuinu 23:4

Kuipatshidi biuma. Kuteki nansha meji ebe koku.

Nsumuinu 26:12

Wewe musangane muntu udiamba mudiye muena meji, mbimpe kutekemena kudi mutshimbakane pa muntu pa kutekemena kudiye.

Nsumuinu 26:16

Muena lulengu udi mudimone muena meji mupite bantu muanda mutekete badi bandamuna ne lungenyi.

Nsumuinu 26:5

Kudimuna muntu mutshimbakane bilondeshile mudiye, bua kadiumvu bu muntu wa meji.

Nsumuinu 3:7

Lekela kuditangila bu muena meji. Kadi tshina Maweja-Nangila, epuka bubi.

Yeshaya 5:21

Bantu bonsu badi baditangila bu bena meji, ne bena lungenyi, mbena diakabi!

Rome 11:25

Bana hetu, telejayi bualu bulelela busokome, bundi musue kunumanyisha, bua kanudiangatshi bu bena meji. Bena Izrayele bakuabu mbapapishe muoyi wabu. Kadi bualu ebu nebatungunuke amu too ne padi bisamba bikuabu bionsu bimane kupeta lupandu.

Rome 12:16

Umvuanganayi munkatshi muenu. Kanuditambishi to. Kadi nuanyishe midimu mishadile yonsu. Kanudiangatshi bu bena meji.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.