Nsumuinu 24:16 - MUKANDA WA MYIDI MUKULU

¹⁶ Muntu muakane, nansha bobu bamukengesha amu kumukengesha, neajuke amu kujuka. Kadi bantu babi, muluishi neabashinde kashidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bualu bua muntu muakane udi uhona misangu muanda mutekete, udi ubika kabidi; kadi bantu babi badi balenduka mu dikenga.

Nsumuinu 24:16 Խաչաձեւ Հղումներ

Genese 19:35

Butuku abu kumushabu tatuabu maluvu tshiakabidi. Muana muakunyi kulala nende. Kadi tatuabu kavua mumanye bionsu bivua bienzeka abi to.

Estere 7:10

Bantu kuowela Amane ku tshiowelu tshivuaye mulongoluele Mordekayi. Nenku, tshiji tshia mukalenga kutuya.

Yobe 5:19

Mvidi Mukulu neansungidile mu njiwu, too ne ku diba didi dikenga kadiyi mua kukukuata kabidi to.

Misambu 34:19

Udi pabuipi ne badi ne kanyinganyinga, upandisha badi kabatshiyi ne ditekemena.

Misambu 34:21

Udi ulama mubidi wabu mujima, bua kabatshibudi mufuba wabu nansha umue.

Misambu 37:24

Muntu awu, nansha yeye udishinda, kena ushala panshi, Maweja-Nangila udi umukuata ku tshianza, umujula.

Misambu 52:5

Udi munange malu mabi, mubenge mimpe. Udi musue dishima, uyila malu malelela.

Misambu 7:16

Udi umbuila bakuabu tshiina tshile, neadishinde mu tshiina tshiende atshi.

Misambu 79:12

Maweja-Nangila, bisamba bitudi nabi mutumba bidi bikuluisha, ubipingajile misangu muanda mutekete bipendu biabu, bivuabu bakupenda.

Nsumuinu 13:17

Muntu udibu batuma ne mukenji kayi uufikisha, udi ukengesha bantu. Muntu wa nsongu udi uufikisha, udi usamba bantu.

Nsumuinu 13:21

Dikenga didi dilonda muenji wa bibi! Kadi diakalenga ke difutu dia bantu bakane.

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Nsumuinu 24:22

Bualu bantu ba nanku badi mua kubutuka musangu umue. Kuena mumanye kabutu kadi Mvidi Mukulu nansha mukalenga mua kubatumina.

Nsumuinu 6:15

Nanku neabutuke diakamue, neafue kakuyi mushindu udiye mua kupanda.

Yirmeya 18:17

Padi muluishi usemena pabuipi, nentangalaje bantu banyi, mudi lupepele lua kudi diba dipatukila lujula lupuishi. Nembele nyima! Tshiakubambuluisha diba dia dikenga.

Yirmeya 8:4

Uye kubambila ne: Maweja-Nangila udi ukonka ne: Padi muntu udishinda, katu ujuka anyi? Padi muntu mupambuke mu njila, kena upingana kabidi mu njila muimpe anyi?

Yezekiyele 7:5

“Meme Maweja-Nangila Mvidi Mukulu ndi ngamba ne: dikenga nedifike, dikenga dinudi kanuyi banji kumona!

Amosa 5:2

Izrayele nnsongakaji udi mufue, tshitalu tshiende tshitshidi panshi. Kakujuka kabidi to. Mbamulekele pa buloba buende: muntu nansha umue kena umujula!

Amosa 8:14

Bonsu badi baditshipa, mu dina dia mvidie ya dishima, ya bena Samariya, bamba ne: “Mu dina dia mvidie Dane udi ne muoyi…” nansha ne: “Mu dina dia njila udi utufikisha ku Bersheba…”, bonsu abu nebadishinde panshi, kabayi mua kujuka kabidi to.

Dibadika 32:23

Kadi numanye ne: Nuenu kanuyi bakumbaje bionsu ebi, nenuikale bena tshibawu. Maweja-Nangila neanunyoke.

Bienzedi 12:23

Diakamue mutumibue wa Mvidi Mukulu kusamisha Erode, bualu uvua udikebela lumu luvua Mvidi Mukulu ne bua kupeta. Kubuelaye bikusu, kufua.

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.

1 Samuele 26:10

Bu mudi Maweja-Nangila ne muoyi, ndi nkujadikila ne: Maweja-Nangila nkayende neajikije bualu buende. Shawule udi mua kufua bu mudi bantu bonsu bafue anyi udi mua kufua mu mvita.

1 Samuele 31:4

Kuambilaye muntu uvua mumuambuile bia lulu ne: — Angata muela webe, unshipe. Bualu tshiena musue bua banshipe, banseke kudi bena Peleshete aba, bantu bavuabu kabayi bateke panshi. Kadi, muntu uvua muambuile Shawule bia lulu, kubenga, bualu uvua ne bowa bua bungi. Ke Shawule kuasa muela wende panshi, kudiela pa muela apu.