Nsumuinu 20:7 - MUKANDA WA MYIDI MUKULU

⁷ Pikala muntu usomba nsombelu muakane ne wa kalolu, bana bashiyaye panu nebikale ne diakalenga.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Muntu muakane udi wenda mu buakane bua mutshima wandi,— bana bandi badi bamulonda badi bavudishibue disanka!

Nsumuinu 20:7 Խաչաձեւ Հղումներ

Genese 17:7

Ndi ntua ndondu ewu nebe kashidi, kabidi ne ndelanganyi yebe yonsu. Meme nennulame mu bikondu bionsu. Nengikale Mvidi Mukulu webe kabidi ne wa ndelanganyi yebe yonsu.

Yobe 1:1

Ku kale, mu ditunga dia Usa, muvua muntu dina diende, Yobe. Muntu ewu uvua unemeka Mvidi Mukulu, umuitaba, uvua muntu muimpe, mubenge malu mabi.

Misambu 112:2

Bana bende nebikale bilobu mu ditunga, ndelanganyi ya bantu bakane nebayele lupemba.

Misambu 15:2

— Ke muntu udi kayi kalema, wenza tshidi Mvidi Mukulu musue, wamba amu bidi bilelela.

Misambu 26:1

Musambu wa mu mukanda wa misambu ya Davide. Maweja-Nangila, umbingishe, bualu tshiena muenze bualu bubi nansha bumue. Ndi nkutekemena muanyi muonsu.

Misambu 26:11

Ndi ngenda mu njila wa buakane. Maweja-Nangila, umfuile luse, umpandishe.

Misambu 37:26

Matuku onsu muntu awu udi ufuila bantu luse, ubambuluisha. Bana bende badi ne muabi.

Nsumuinu 13:22

Muntu muimpe udi ushiya bumpianyi kudi ndelanganyi yende. Kadi mpetu ya babi, bakane badi bayipeta.

Nsumuinu 14:2

Muntu udi wenda mu njila wa buakane, udi utshina Maweja-Nangila. Kadi udi wenda mu njila mikonyangale udi umupepeja.

Nsumuinu 14:26

Kutshina Maweja-Nangila ke kusomba ku matshi talalaa, bualu yeye udi ulama bana bende.

Nsumuinu 19:1

Mbimpe kuikala mupele udi ulonda njila wa buakane, pa mutu pa kuikala mutatakane udi wakula ushima bantu.

Yeshaya 33:15

— Amu udi ulonda njila mululame, unemeka bantu, wamba malu malelela, ubenga kukengesha bantu bua kupeta biuma, ubenga badi basue kumubuejila. Kena uteleja badi bamukoka ku dishipangana. Kena utangila, wanyisha badi benza bibi.

Yirmeya 32:39

Nembape muoyi umue, bua bandamate, bua bapete diakalenga, bobu ne ndelanganyi yabu.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Bienzedi 2:39

Bualu Mvidi Mukulu mmunulaye nuenu ne bana benu, kabidi ne bonsu batshidi kule, bonsu badi Maweja-Nangila Mvidi Mukulu wetu musue kubikila.

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.