Nsumuinu 20:13 - MUKANDA WA MYIDI MUKULU

¹³ Pawanangila tulu neushale mupele. Kadi ujuke diba diakane, bua udie uukuta.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Kunangi tulu, bua kubuedi mu buhele; tabala mesu ebe, newikale ne bia kudia bikumbane.

Nsumuinu 20:13 Խաչաձեւ Հղումներ

Nsumuinu 10:4

Bianza bia muena lulengu bidi bibueja muntu mu bupele, kadi bianza bia mukuatshi wa mudimu bidi bipetesha lupetu.

Nsumuinu 12:11

Muntu udi udima budimi buende neikale ne biakudia bia bungi. Kadi muntu udi udidinga udi upanga malu.

Nsumuinu 13:4

Muena lulengu udi ujinga tshintu kayi utshipeta. Kadi muntu wa tshisumi udi upeta tshidiye musue.

Nsumuinu 19:15

Bufuba budi bubueja muntu mu dikenga. Udi ubika ne lulengu nealale ne nzala.

Nsumuinu 20:14

Musumbi udi wamba ne: “Mmushinga mukole! Mmushinga mukole.” Kadi yeye mumane kuya pa nkayende udi udiela ka lumbandi ne disanka.

Nsumuinu 28:19

Muntu udi udima neapete biakudia bia bungi. Kadi udi wipatshila amu malu a mukodi, neapete anu dikenga.

Nsumuinu 31:15

Udi ujuka patshiatshia, ulambila bena mu nzubu muende tshiakudia, wabanyina bakaji bena mudimu midimu ya kuenzabu.

Yona 1:6

Nanku, mulombodi wa bitshi ba buatu kusangana Yona mulale tulu, kumukonkaye ne: — Udi wenza tshinyi? Udi amu mulale tulu? Juka, ulombe webe nwidie, bumue udi mua kutuambuluisha, tupanduke ku tshipepele etshi!

Rome 12:11

Nukazamuke, nukuate mudimu, nulekele lulengu. Nukuatshile Mfumu mudimu ne muoyi wenu mujima, kabidi ne disuminyina.

Rome 13:11

Ke binudi ne bua kuenza, nangananga bualu nudi bamanye tshikondu tshitudi natshi. Diba ndimane kufika dia nuenu kujuka ku tulu bienu. Bualu diba dituvua babange kuitaba, lupandu luvua kule, mpindiewu lukadi pabuipi.

1 Korente 15:34

Mbimpe nupete tshiakabidi meji mempe. Lekelayi kuenza malu mabi. Bamue ba kunudi kabena bamanye Mvidi Mukulu to, ke bundu buenu!

Efeze 5:14

Bualu bidibu basokolola patoke, bidi bienza butoke. Ke mudibu bamba ne: “Wewe udi mulale, tabala, juka ku bafue. Kristu neakuludike mu butoke buende.

2 Tesalonike 3:10

Bualu patuvua kuenu aku, tuvua banuambile ne: “Udi kayi musue kukuata mudimu, alekele kudia!”