Nsumuinu 18:3 - MUKANDA WA MYIDI MUKULU

³ Bubi budi bukeba kadiwu; buenzayi budi bukeba bundu.

Mukanda wa Nzambi Dihungila Dikulukulu ne Dihungila Dihia-dihia 2003

³ Halua muntu mubi, dihetu didi dilua kabidi; bihendu ne bundu bidi bilua diatshimue.

Nsumuinu 18:3 Խաչաձեւ Հղումներ

Nehemya 4:4

Kadi bena Yuda bavua bamba ne: “Bena mudimu kabena kabidi ne bukole to. Bintu bidi binyanguke mbipite bungi. Kakuena mushindu wa kuibakulula bimana kujikija to!”

Misambu 69:20

Udi mumanye mudibu bampenda, bamfuisha bundu, bampetula; udi mumone kumpala kuanyi baluishi banyi bonsu.

Misambu 69:9

Nkadi muenyi munkatshi mua bena diku dietu, nansha bana ba tatu mene kabatshiena bammanye.

Nsumuinu 11:2

Muntu udi uditambisha nebamupetule, kadi muntu wa meji udi udipuekesha.

Nsumuinu 13:5

Muntu muakane udi ubenga dishima. Muntu mubi udi upepeja bakuabu, ubajana.

Nsumuinu 18:2

Mupote kena musue kumvua bidibu bamuambila. Kadi udi ujinga kuleja amu bidi mu meji ende.

Nsumuinu 18:4

Miaku ya muntu idi mua kuikala miondoke bu mayi manene malabale. Idi ipetesha muntu muoyi bu mudi mpokolu ubudika mayi.

Nsumuinu 22:10

Ipata muena ditambisha, matandu neakoseke, mitoyi ne bipendu nebijike.

Nsumuinu 29:16

Padi bantu babi bavulangana, bubi kabidi budi buvulangana. Kadi dimue dituku, bantu bakane nebamone mudi babi babutuka.

1 Petro 4:14

Nudi bena diakalenga, padibu banupenda bualu nudi nulonda Kristu munyima. Bualu Mueyelu wa butumbi, Mueyelu wa Mvidi Mukulu mmunutulukile.

1 Petro 4:4

Mpindiewu bantu badi kabayi bamanye Mvidi Mukulu badi bakema, bualu kanuena nubuelakana kabidi nabu mu malu mabi a nanku. Ke padibu banupenda.

1 Samuele 20:30

Shawule kufikila Yonatane munda bikole, umupenda ne: — Kana kalela kudi mbua! Ndi mumanye ne: udi musungule Davide, muana ewu wa Ishayi, bua kuikalaye mulunda webe. Kadi umanye ne: wewe ne mamuebe, bundu nebunukuate.