Nsumuinu 17:17 - MUKANDA WA MYIDI MUKULU

¹⁷ Mulunda muimpe neakuambuluishe mu malu onsu. Muanetu udi pamue nanyi mu dikenga dionsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Mulunda utu wananga mu bikondo bionso, muanʼetu utu walesha bulela mu tshikondo tshia dikenga.

Nsumuinu 17:17 Խաչաձեւ Հղումներ

2 Samuele 1:26

Mwoyi wanyi udi unyingalala bualu buebe, Yonatane wanyi, muanetu mulunda wanyi wa pa muoyi. Dinanga diuvua munnange nadi, divua dinsankisha mudi dinanga dia bakaji kadiyi mua kunsankisha.

2 Samuele 15:21

Kadi Itayi kuandamuna ne: — Mukalenga wanyi, bu mudi Maweja-Nangila ne muoyi, ne bu muudi wewe kabidi ne muoyi, ndi nditshipa ne: Tuyaya nebe muaba uudi uya. Pavuafua netufue nebe: pawikala ne muoyi, nengikale ne muoyi kabidi.

Estere 4:14

Nanku paudi ubenga kutuakuila mu tshikondu tshikole etshi, bena Yuda nebapete diambuluisha ku nseke mikuabu, nebapande. Kadi wewe ne bena diku diebe, nenubutuke. Umanye kabidi ne: bumue mbua bualu ebu, ke buudi mua kuikala mupete muanzu wa mukalenga mukaji.”

Nsumuinu 16:28

Muntu wa malu a muinshimuinshi udi ujuula matandu. Muena lunsonga udi unyanga malunda a bantu.

Nsumuinu 18:24

Muntu udi ne balunda ba bungi, bobu mene badi mua kumukebela dikenga. Kadi mulunda muimpe mmupite ne muanenu.

Nsumuinu 19:13

Muana mutatakane udi ukengesha tatuende. Mukaji wa mutoyi udi bu mulondu mutubuke udi usukumuna mayi panshi.

Nsumuinu 19:7

Mupele badi bamukina kudi bana babu. Yeye mupete bualu bunene, balunda bende badi bamubenga. Padiye ubasengelela, badi baya.

Ebrewu 2:11

Yezu udi ulengeja bantu ku mibi yabu, ne bantu badiye ulengeja badi bonsu ne Tatu anu umue. Ke padi Yezu kayi umvua bundu bua kubabtkila ne: mbana hetu.

Rute 1:16

Kadi, Rute kuandamuna mamuenende ne: — Lekela kutupingaja. Ndi musue kuya nebe. Bualu kuwaya nkungaya; kuwasomba nkungasomba; bana benu mbana betu kabidi; Mvidi Mukulu webe neikale Mvidi Mukulu wanyi.

1 Samuele 18:3

Kadi bu muvua Yonatane munanga Davide bikole, kutuabu ndondu wa bulunda kashidi.

1 Samuele 19:2

kumuambilaye ne: — Tatu wanyi Shawule, udi ukeba kukushipa. Nanku, maloba dinda, wikale mudimuke bikole. Uye kusokoma muaba muimpe, usomba anu muaba awu.

1 Samuele 19:3

Nempatuke ne tatu bua kuya nende ku budimi, muaba uwikala musokome awu. Nenyukile ne tatu bualu buebe. Pangikala mumvue mudiye wamba, nenkumanyishe.

1 Samuele 20:17

Yonatane kuambila kabidi Davide bua aditshipe bua kujadika mudiye munange Yonatane. Bualu Yonatane uvua munange Davide ne muoyi mujima.

1 Samuele 23:16

Dituku dikuabu, Yonatane, muana wa Shawule kufika muaba uvua Davide ku Orsha. Kukoleshaye Davide ku muoyi bua ikale mutekemena anu kudi Mvidi Mukulu.