Nsumuinu 17:15 - MUKANDA WA MYIDI MUKULU

¹⁵ Mubingishi wa muena tshibawu, ne mupishi wa muntu muakane, mbantu babidi badi Maweja-Nangila udiwula mushindu wa momumue.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Udi ubingisha muntu mubi ne udi uhisha muntu muakane, bubidi buabo badi batondesha Yehowa.

Nsumuinu 17:15 Խաչաձեւ Հղումներ

1 Bakalenga 21:13

Bantu babidi kusomba, balulamangane ne Nabote. Bantu abu, kumushiminyina malu kumpala kua bantu bonsu, bamba ne: — Nabote udi usendeka Mvidi Mukulu, usendeka ne mukalenga Akabe kabidi! Diakamue, kupatukabu ne Nabote mu tshimenga, kumuasa mabue, kumushipa.

Misambu 94:21

Badi belela bantu bakane tshifufu, bapisha muntu udi kayi ne bualu.

Ekesode 23:7

Kanuteleji muena biakulakula. Kanushipi udi kayi ne bualu nansha muntu muakane, bualu meme nempishe bena buenzayi bua nanku.

Nsumuinu 11:1

Maweja-Nangila udi udiwula bantu badi ne bitempelu bia dishima, kadi udi wanyisha badi bapima bintu mudibi.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Nsumuinu 17:26

Kufundila muntu udi kayi bualu tshibawu kudi kubi. Kunyoka muntu wa nsongu kakuena kuakana.

Nsumuinu 18:5

Kubingishi muena tshibawu, kupishi muntu muakane.

Nsumuinu 31:5

Bualu padibu bakuatshika, badi bapua mikenji muoyi, kabayi bakosa bimpe nsambu idi bapele nayi.

Nsumuinu 6:16

Kudi malu asambombu adi Maweja-Nangila ubenga, adiye udiwula kashidi:

Yeshaya 5:20

Bantu bonsu badi bamba bualu buimpe ne: mbubi, bamba bualu bubi ne: mbuimpe, bamba butoke ne: mmidima, bamba midima ne: mbutoke, bamba bintu bisheme ne: bidi ne bululu, bamba bidi ne bululu ne: mbisheme, mbena diakabi.

Yeshaya 5:23

Badi babingisha muena tshibawu, bualu udi ubakosa mishiku. Badi bapisha muntu udi kayi ne bualu.

Muadi 3:35

padibu banyanga buneme bua muntu kumpala kua Mvidi Mukulu Muena kulu,

Yezekiyele 13:19

Nudi numpepeja ku mesu a bantu banyi, anu bua kupeta dianza dia bukula ne bipesa bia mampa. Panudi nutshimbisha bantu banyi, bena bitabataba, nudi nukebela badi kabayi ne bualu lufu, kadi nudi nulama ne muoyi badi bakanyina lufu.

Amosa 5:12

“Meme Maweja-Nangila, ndi mumanye malu mabi onsu anuvua benze. Ndi muvuluke buenzayi buenu bua dikema. Nudi nuluisha udi kayi ne bualu, nuanyisha mabuejila. Ku kabadi, nudi nubenga bua bandumbulula bakose nsambu ya bapele pa yoyi.”

Amosa 5:7

Nudi bena diakabi, nuenu badi banyanga bilumbu, bapisha badi babinga, babingisha badi bapila.

Amosa 6:12

Nyama ya tubalu idi mua kunyema lubilu pa mabue anyi? Badi badima mu mbuebue ne bikasu bidi ngombe ikoka anyi? Nudi nuandamuna malu: kulumbuluisha bantu kukadi kubalunga anyi? Kulongolola malu bimpe, kukadi kukengesha bantu bibi!

Rome 4:5

Kadi diba didi muntu kayi wenza bualu, utekemena amu kudi Mvidi Mukulu udi ufuila bantu babi luse. Mvidi Mukulu udi umubingisha bua ditaba diende adi.

Dielulula 25:1

Pikala bena Izrayele babidi batandangana, nebaye kudi balumbuluishi bua kujadika udi mupite ne udi mubinge.

Yakobe 5:6

Nuvua bapishe, bashipeshe bantu bavua kabayi ne bualu, kabayi nansha banutuila nkanana.