Nsumuinu 17:13 - MUKANDA WA MYIDI MUKULU

¹³ Muntu udi upingaja bubi pa buimpe buvuabu bamuenzele, dikenga kadiena diumuka ku nzubu kuende to.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bi uhingisha muntu malu mabi ku malu mimpe, malu mabi kaena umuka mu nsubu muandi.

Nsumuinu 17:13 Խաչաձեւ Հղումներ

2 Samuele 12:10

Nanku biangatshile mpindiewu, kashidi dishipangana kadiena dijika mu nzubu muebe to. Bualu paudi musele mukaji wa Uriya, udi mundembakaje meme.

1 Bakalenga 21:22

Nembutule bena nzubu webe, bu mumvua mubutule bena nzubu wa Yerobowame, muana wa Nebate, ne bena nzubu wa Basha, muana wa Akiya. Bualu wewe Akabe udi mumfikishe munda bikole. Kabidi udi mufikishe bena Izrayele ku dienza bibi.”

Misambu 35:12

Badi bampingajila bibi pa bimpe, tshiyi ne udi ungakuila!

Misambu 38:20

Baluishi banyi batshidi ne bukole, batshidi ne dikanda. Badi bankina kapayi bualu mbapite bungi.

Nsumuinu 13:21

Dikenga didi dilonda muenji wa bibi! Kadi diakalenga ke difutu dia bantu bakane.

Matayi 27:25

Bantu bonsu kuandamuna ne: — Bua lufu luende, batunyoke amu tuetu ne bana betu!

Matayi 27:5

Yudase kuimansha nkanu ayi mu nzubu wa Mvidi Mukulu, kumukaye. Pashishe kuyaye kudiowa.

Rome 12:17

Kanupingajidi muntu bubi ku bubi. Nukebe kuenza malu mimpe kumpala kua bantu bonsu.

1 Tesalonike 5:15

Enzayi muenu muonsu, bua muntu kapingajidi mukuende bubi ku bubi. Kadi nukebe diba dionsu munudi mua kuenzelangana bimpe, kuenzela kabidi ne bantu bakuabu bonsu bimpe.

1 Petro 3:9

Kanupingajidianganyi bubi ku bubi. Kanupendi badi banupenda. Kadi badi banuenzela bibi, nubele lupemba, bualu diba divua Mvidi Mukulu munubikile, uvua mulaye kabidi bua kunuela lupemba.

1 Samuele 19:4

Yonatane mumane kutumbisha Davide kudi tatuende Shawule bua malu mimpe a Davide, kumuambilaye kabidi ne: — Wewe mukalenga, kuena mua kuenzela muntu webe Davide bibi to. Bualu Davide kena muanji kukuenzela bibi to. Bionsu bidiye wenza bidi anu bua kukuambuluisha wewe.

1 Samuele 24:17

Davide ujikija kuakula, Shawule kumukonka ne: — Mulunda wanyi Davide, udi wakula nanku ngwewe menemene anyi? Shawule kudila muadi bikole.

1 Samuele 25:21

Davide utshivua udiambila munda munda ne: “Ke tshipeta tshindi mupeta pamvua mulame bintu bia muntu ewu bimpe, mu tshipela, bua kajimiji tshintu nansha tshimue. Muntu ewu wampingajidi bubi ku malu mimpe amvua mumuenzele!