Nsumuinu 15:28 - MUKANDA WA MYIDI MUKULU

²⁸ Muntu muakane udi wela meji bangabanga ne kuandamunaye. Kadi muntu mubi udi upututuka bua kujanangana.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Mutshima wa muntu muakane udi welangana meji a bualu budiye mua kukudimuna, kadi mukana mua bantu babi mudi muhatula malu mabi.

Nsumuinu 15:28 Խաչաձեւ Հղումներ

Misambu 59:7

Badi bapingana dilolu mu tshisumbu, banyunguluka tshimenga tshijima, bela mikunda bu mbua.

Nsumuinu 10:19

Muntu udi wakula malu mavule, udi utupakana bikole. Kadi muntu wa meji udi mumanye mua kulama ludimi luende.

Nsumuinu 10:32

Miaku ya muntu muakane idi ilengelela bantu, kadi miaku ya muena lonji idi ibabungamija.

Nsumuinu 13:16

Muntu mudimuke udi wela meji bangabanga ne kuenzaye bualu. Kadi batshimbakane badi baleja bupote buabu patoke.

Nsumuinu 15:2

Miaku ya muntu wa meji idi ipetesha dijinga dia kulonga malu. Kadi mukana mua mutshimbakane mudi nnutangalaja amu malu mabi a bupote.

Nsumuinu 16:23

Bantu ba meji badi basunguluja tshia kuamba. Ke mudibu baluisha bantu ne miaku yabu.

Nsumuinu 29:11

Mutshimbakane udi uleja tshiji tshionsu tshidiye natshi. Kadi muntu wa meji udi udikolela, utalaja tshiji tshiende.

Nsumuinu 29:20

Wewe musangane muntu wakula kayi wela meji, mbimpe kutekemena kudi mutshimbakane pa mutu pa kutekemena kudiye.

Muambi 5:2

Bualu muntu udi upita kuakula, udi upita kuakula miaku mibi. Ke mudi muntu udi ne ntatu mivule upita kulota ndota mibi.

Muambi 5:6

Miaku ya bungi kayena ikumbaja bualu, mudi bilota bivule kabiyi bileja bualu. Nanku enza anu muebe muonsu bua unemeke Mvidi Mukulu.

Matayi 12:34

Nuenu ndelanganyi ya nyoka, nuenu bantu babi, mmunyi munudi mua kuamba bualu buimpe? Bualu mukana mudi muamba malu adi muwule mu muoyi tente.

1 Petro 3:15

Kadi mu mioyi yenu nunemeke Kristu bu Mfumu wenu. Diba dionsu nuikale amu ne muoyi wa kuandamuna bonsu badi banukonka ne: nu-tumvuije ditekemena didi munda muenu.

2 Petro 2:18

Badi bakula miaku ya ditambisha ne ya bupote. Ku lukuka luabu badi bateya bantu batshidi bumuka mu njila wa bantu bapambuke.