Nsumuinu 14:33 - MUKANDA WA MYIDI MUKULU

³³ Muntu udi wela lungenyi udi ne meji. Kabena mua kusangana lungenyi kudi bantu batshimbakane to.

Mukanda wa Nzambi Dihungila Dikulukulu ne Dihungila Dihia-dihia 2003

³³ Meji adi ashikama talalâ mu mutshima wa mujinguludi wa mianda, kadi kaena mumanyibue mu mitshima ya bahote.

Nsumuinu 14:33 Խաչաձեւ Հղումներ

Nsumuinu 12:16

Muntu mutshimbakane udi uleja tshiji tshiende patoke diakamue. Kadi muntu wa lungenyi udi usokoka kanyinganyinga kadiye naku.

Nsumuinu 12:23

Muntu muena lungenyi kena uditambisha bua bidiye mumanye. Kadi batatakane badi baleja butatakane buabu patoke.

Nsumuinu 13:16

Muntu mudimuke udi wela meji bangabanga ne kuenzaye bualu. Kadi batshimbakane badi baleja bupote buabu patoke.

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Nsumuinu 14:34

Kuenza malu makane nkuyisha ditunga kumpala. Kadi malu mabi adi akuatshisha ditunga bundu.

Nsumuinu 15:2

Miaku ya muntu wa meji idi ipetesha dijinga dia kulonga malu. Kadi mukana mua mutshimbakane mudi nnutangalaja amu malu mabi a bupote.

Nsumuinu 15:28

Muntu muakane udi wela meji bangabanga ne kuandamunaye. Kadi muntu mubi udi upututuka bua kujanangana.

Nsumuinu 2:10

Newikale ne meji munda muebe. Dimanya nedikusankishe.

Nsumuinu 29:11

Mutshimbakane udi uleja tshiji tshionsu tshidiye natshi. Kadi muntu wa meji udi udikolela, utalaja tshiji tshiende.

Muambi 10:3

Padi mutshimbakane uya mu njila, bantu bonsu badi bamba ne: mmupale, bualu mmubule lungenyi.