Nsumuinu 11:7 - MUKANDA WA MYIDI MUKULU

⁷ Padi muntu mubi ufua, biwaye utekemena bidi bifua kabidi, nangananga biwaye utekemena kupeta ku biuma biende.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Hafua muntu mubi, ditekemena diandi didi dijimina; ditekemena dia badi beyemena bukole didi dijimina.

Nsumuinu 11:7 Խաչաձեւ Հղումներ

Yobe 11:20

Kadi, bena malu mabi badi bakeba bantu badi mua kubambuluisha, kabena mua kubapeta to. Bobu badi mua kutekemena amu lufu.

Misambu 112:10

Padi muntu mubi umona bualu ebu, udi unyingalala, usumakaja menu, ubutuka. Dijinga dia bantu babi nedijimine.

Misambu 146:4

Padibu bafua, badi babajika, malu avuabu bapangadika mua kuenza adi ajimina bu bobu.

Nsumuinu 10:28

Tshidi bantu bakane mua kutekemena ke disanka, bantu babi kabena mua kutekemena tshintu nansha tshimue.

Nsumuinu 10:29

Maweja-Nangila udi tshieyemenu tshia bantu bakane, kadi udi ubutula badi benza bibi.

Nsumuinu 11:8

Muntu muakane udi upanduka ku dipampakana. Muntu mubi udi ubuelamu pa mutu pende.

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Yezekiyele 28:9

Padibu bafika bua kukushipa, newambe kabidi ne: ndi mvidie anyi? Udi muntu patupu! Bumvidie buebe kabuakumueneka diba didi bashipianganyi bakakuata.