Nsumuinu 10:13 - MUKANDA WA MYIDI MUKULU

¹³ Muena meji badi bamumanyina ku miaku ya lungenyi idiye wakula, kadi udi kayi wela meji badi bamutuuta!

Mukanda wa Nzambi Dihungila Dikulukulu ne Dihungila Dihia-dihia 2003

¹³ Badi basangana meji mukana mua muntu udi ujingulula mianda, kadi mulangala udiku bua kututa nʼau nyima wa muntu udi kayi ne lungenyi.

Nsumuinu 10:13 Խաչաձեւ Հղումներ

Misambu 32:9

Kuikadi muntu mupote, bu nyama wa kabalu nansha wa mpunde, idibu mua kutekesha amu ne nkanu, nansha ne mikaba. Nanku kuakupeta dikasa dibi to.

Misambu 37:30

Muntu wa Mvidi Mukulu udi wakula miaku ya meji, umvuija bantu bidi Maweja-Nangila musue.

Ekesode 10:12

Maweja-Nangila kuambila Moshe ne: — Olola diboku, mpasu ipatuke mu ditunga dijima dia Ejipitu, idie bintu bionsu bidi mu madimi, bivua mabue a mvula kaayi manyange.

Nsumuinu 10:21

Miaku ya muntu muakane idi iludika bantu ba bungi. Kadi bapote badi bafue bua dibenga kuela meji.

Nsumuinu 10:31

Mukana mua muntu muakane mudi mupatuka meji. Kadi ludimi lua muena dishima mbimpe balukose.

Nsumuinu 15:23

Padi muntu wandamuna nkonku biakane udi ne disanka, nangananga padiye ufila diandamuna kampanda pa tshikondu tshiadi.

Nsumuinu 15:7

Miaku ya muena meji idi itangalaja dimanya. Kadi batshimbakane badi mu mitu mutupu.

Nsumuinu 16:21

Muntu udi ujingulula malu ne meji udi muena lungenyi. Padiye ulongesha ne miaku idi isankisha bantu, ibatua ku muoyi, nebamuitabe lukasa.

Nsumuinu 17:10

Mubelu udibu bapesha muntu wa lungenyi udi mupite nkodi lukama mituuta muntu mupote.

Nsumuinu 19:29

Bena ditambisha nebabanyoke. Muntu mutatakane nebamutuute.

Nsumuinu 20:15

Tshiamu tshia mpawungi ne busanga bidi bivule, kadi tshintu tshidi muntu kayi mua kusangana lukasa ke miaku ya meji.

Nsumuinu 26:3

Badi batuuta kabalu ne lukodi, mpunde ne mukaba, nyima wa muntu mupote ne mulangala.

Nsumuinu 27:22

Nansha bobu batue mupale ne muinshi, mudibu batue ntete mu tshinu, bupale buende kabuakumushila kaba to.

Nsumuinu 6:32

Muntu udi wambisha mukaji, mmubule lungenyi. Udi udikebela yeye nkayende kabutu.

Nsumuinu 7:22

Mpindiewu, nsongalume kumulonda bu ngombe, udibu baye nende ku tshishipelu. Mupale awu kudikebela tshibawu, kupia mu buteyi.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Luke 4:22

Bantu bonsu bavua bamukema, bakatshila bua miaku ya pa dinanga ivuaye muambe. Bavua bakonkangana ne: — Yeye ki mmuana wa Yozefe anyi?