Nehemya 7:5 - MUKANDA WA MYIDI MUKULU

⁵ Mvidi Mukulu wanyi kumpesha meji, meme kubikidisha bakulu, balombodi ba ditunga, ne bantu bakuabu ba mu tshimenga, bua kubala bungi buabu. Meme kubala mukanda uvua ne mena a bena Yuda bavua badianjile kufuma mu bupika, bapingane mu Yerushalayime. Mukanda bavua baufunde nenku:

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nzambi wanyi wakateka bualu mu mutshima wanyi bua kusangisha bantu banene ne bakokeshi ne bantu bonso bua kubabala ku milongo ya bankambua babo. Nakasangana mukanda wa kulondolola kua bankambua ba bantu bakadianjila kuhingana, malu akadi mafundamu nunku:

Nehemya 7:5 Խաչաձեւ Հղումներ

Ezela 2:62

Bavua bakeba bikole mua kupeta mikanda ivua ne mena a bankambua babu, bapange. Nanku, kukandikabu batuangaji abu mua kuenza mudimu wabu wa butuangaji, bualu bavua babatangile bu bantu badi ne mikiya.

Ezela 7:27

Ezra kuamba ne: “Tuele Maweja-Nangila Mvidi Mukulu wa bankambua betu tuasakidila. Uvua mupeshe mukalenga munene dijinga dia kunemeka nzubu wa Mvidi Mukulu wa mu Yerushalayime.

Nehemya 5:19

“Eyi Mvidi Mukulu wanyi, umvulukeku, bua mudimu onsu undi muenzele bantu aba.”

Nehemya 6:14

“Eyi Mvidi Mukulu wanyi, vuluka bibi bivuabu bangenzela kudi Tobiya, ne kudi Sanebalate, kabidi ne kudi muambi mukaji Nowadiya, ne kudi bambi bakuabu bavua bakeba kunkuatshisha bowa.”

Nehemya 7:4

Tshimenga tshia Yerushalayime tshivua tshialabale. Kadi bantu bavua basamu bavua amu bakese. Bualu kabavua banji kulongolola nzubu mikuabu.

Nehemya 7:64

Bavua bakeba biakane mu mikanda mena a bankambua babu bapange. Nanku, kubakandikabu mudimu wa butuangaji, bualu bavua babatangila bu bantu badi ne mikiya.

Nsumuinu 2:6

Maweja-Nangila ke udi upangana meji. Dimanya ne dijingulula dia malu bidi bifuma kudiye.

Nsumuinu 3:6

Umulamate mu bionsu biudi musue kuenza. Yeye neakuleje muudi ne bua kuenza.

1 Korente 15:10

Kadi bu muvua Mvidi Mukulu munnange, nkadi bu mundi emu. Dinanga diende divua dikuata mudimu munda muanyi. Ndi mukuate mudimu mupite bapostolu bakuabu bonsu. Uvua ukuata mudimu awu ki mmeme to, kadi Mvidi Mukulu pamue nanyi, bualu uvua munnange.

2 Korente 3:5

Bushuwa katuena mua kuamba ne: tudi mua kukumbaja mudimu ewu ku bukole buetu tuetu. Tudi mua kuukumbaja amu ku bukole bua Mvidi Mukulu.

2 Korente 8:16

Tudi tuela Mvidi Mukulu tuasakidila, bualu uvua mupeshe Tite disuminyina bualu buenu ditudi tuetu kabidi nadi!

Kolose 1:29

Ke mudimu undi ntatshila, nduangana mvita ne bukole budi Kristu umpesha, bualu ke budi buenza mudimu munda muanyi.

Yakobe 1:16

Bana hetu bananga, kanudishimi to.