Nehemya 4:7 - MUKANDA WA MYIDI MUKULU

⁷ Nanku, meme kulongolola miaba ya kusokoka bantu panyima pa tshimana. Meme kusokokamu bena mvita, balondangane ku biota biabu. Kabidi bavuane bia mvita: miele, mafuma, ne mata a mikete.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi hakunvua Sanebalata ne Tobiya ne Bena Alabâ ne Bena Amona ne Bena Ashedodo ne, Badi bananukila kuasa ngumbu ya Yelushalema ne badi bamba kukanda miaba yakadi mishimbuka, bakadi ne tshiji tshikole;

Nehemya 4:7 Խաչաձեւ Հղումներ

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

2 Bakalenga 24:2

Pashishe, Maweja-Nangila kutumina Yowakime bena buenzayi ba bena Babilone, ba bena Arame, ba bena Mowabe ne ba bena Amone, bua banyangakaje buloba bua bena Yuda bu muvua bambi bambe mu dina dia Maweja-Nangila.

2 Kulondolola 20:1

Pashishe, bena Mowabe ne bena Amone kudisangisha ne bena Meyuni, buakuluisha Yosafate.

Ezela 5:8

“Mukalenga munene, tudi tukumanyisha ne: tuvua baye mu buloba bua Yuda. Tuvua bamone muvuabu bibakulula nzubu wa Mvidi Mukulu munene ne mabue masonga, ne makunji a mabaya masa ku bimana. Badi bakuata mudimu bimpe, kabidi lukasa.

Nehemya 2:10

Pashishe, Sanebalate, muena Orone, ne Tobiya, muena Amone, uvua umuambuluisha, kumvuabu lumu lua difika dianyi. Nanku kufikabu munda bikole, bua pumvuabu ne muntu mmufike bua kuambuluisha bena Izrayele.

Nehemya 2:19

Kadi, Sanebalate, muena Orone, Tobiya, muena Amone, uvua umuambuluisha, ne Ngesheme, muena Arabe, kutusekabu. Kutusendekabu, bakonka ne: — Tshinudi nuenza ntshinyi? Nudi basue kutombokela mukalenga wa bakalenga anyi?

Nehemya 4:1

Kadi Sanebalate, Tobiya, bena Arabe, bena Amone, ne bena Asdode, ku-mvuabu muvua dibakulula dia tshimana tshia tshimenga tshia Yerushalayime diya kumpala, mutuvua tuamba kujikija mudimu wa kuibakulula miaba ivua miupuke. Nanku kufikabu munda bikole.

Nehemya 4:6

Bena Yuda bavua basombe pabuipi ne baluishi betu, kufikabu kutudi misangu bu dikumi, bua kutumanyisha ne: “Nudi ne njiwu, pinganayi kuetu.”

Nehemya 4:8

Meme mumane kumona muaba uvua bena mvita betu basokome, meme kuambila bakulu ba ditunga, balombodi, ne bantu bonsu bavua muaba awu, ne: — Kanutshinyi baluishi betu to! Nudi bamanye bukole bua Maweja-Nangila utudi tutshina. Nuluangane bua kupandisha bena tshisamba tshienu, bana benu ba balume, bana benu ba bakaji, bakaji benu, ne nzubu yenu.

Nehemya 6:16

Pashishe, baluishi betu bavua basombe mu bisamba bivua mutumba netu, kumvua bualu abu, kupetabu bowa ne bundu. Kujadikabu ne: Mvidi Mukulu uvua mutuambuluishe mu mudimu ewu.

Yirmeya 25:20

ne bantu ba mu bisamba bishilangane badi basombe mu Ejipitu; — ke bakalenga ba ditunga dia Uze; — ke bakalenga ba bena Peleshete: bakalenga ba mu Askalone, ba mu Ngaza, ba mu Ekrone ne bena Ashidode bavua bashale ne muoyi;

Yirmeya 41:10

Ishemayele kuela bantu bonsu bavua bashala mu Mispa, mu lukanu, kabidi ne bana ba bakaji ba mukalenga, ne bonsu ba-vua Nebuzaradane, mfumu wa bena mvita mupeshe Ngedaliya. Pashishe, Ishemayele kuya ne bena lukanu bonsu aba bua kusomba kudi bena Amone.

Amosa 1:13

Teleja tshidi Maweja-Nangila wamba ne: “Ndi ndumbuluisha bena Amone, mbapisha bua malu mabi mavule, kadi nangananga, bualu mu mvita ivuabu baluangana mu ditunga dia Ngilaade, bua kutentamuna mikalu ya buloba buabu, bakapanda mafu a bakaji bavua nawu. Nanku tshiena mua kubafuila luse nansha! Nenkumbaje bindi mujadike ne:

Amosa 1:8

Nenshipeshe mukalenga wa mu Asdode. Nenduishe mukalenga wa mu Askalone. Nenduishe bikole badi basomba mu Ekrone. Bena Peleshete bonsu nebafue. Meme Maweja-Nangila ndi njadika nanku.”

Amosa 3:9

Bandayi pa misaka ya nzubu ya bukalenga ya mu Asdode, tshimenga tshia bena Peleshete, ne ya mu Ejipitu, nuele mbila ne: “Disangishayi pa mikuna, pabuipi ne tshimenga tshia Samariya, bua nujadike mudi bena tshinyangu, bakengeshanganamu, bajula tshimvundu.”

Bienzedi 5:33

Tshiji tshikole kukuata bena Tshipangu, patuabu bumvue miaku ayi. Bavua bakeba kushipesha bapostolu.

Didimanyisha 12:17

Nyoka kufikila mukaji munda bikole. Kuyaye kuluisha ndelanganyi ya mukaji ivua mishale. Ke bantu bonsu badi batumikila mikenji ya Mvidi Mukulu, bitabe malu malelela avua Yezu mumanyishe.

1 Samuele 11:2

Mukalenga Nakashe kuandamuna ne: — Eyowa, ndi musue kutua nenu ndondu, kadi anu panuikala bitabe bua meme kushipa disu dia luseke lua balume dia muntu yonsu wa kunudi, bua meme kufuisha bena Izrayele bonsu bundu.