Nehemya 1:7 - MUKANDA WA MYIDI MUKULU

⁷ Tudi bakupende, bualu katuena bakumbaje meyi ebe, mikenji yebe, ne mikandu yebe, biuvua mutumanyishe kudi Moshe, muntu webe.

Mukanda wa Nzambi Dihungila Dikulukulu ne Dihungila Dihia-dihia 2003

⁷ tuakukuenzela malu a bundu, katuakutumikila mikenji ne mei mafunda ne mei majadika biwakambila muntu webe Mose.

Nehemya 1:7 Խաչաձեւ Հղումներ

1 Bakalenga 2:3

Witabe Maweja-Nangila Mvidi Mukulu webe. Matuku onsu wenze amu tshidiye musue. Utumikile meyi ende ne mikenji yende. Ukumbaje bionsu bidiye wamba, ne bidiye ulongesha. Ukumbaje bionsu bidibu bafunde mu mikenji ya Moshe. Nanku, newikale muena diakalenga mu bionsu biudi wenza.

2 Kulondolola 25:4

Kadi kavua mushipe bana ba bantu bavua bashipe tatuende abu to. Bualu Amashiya uvua unemeka bivuabu bafunde mu mukanda wa mikenji ya Moshe. Maweja-Nangila udi wambamu ne: “Kabena mua kushipa baledi bua bubi bua bana babu, nansha bana bua bubi bua baledi babu. Badi mua kushipa muntu amu bua bubi buende yeye.”

2 Kulondolola 27:2

Yotame uvua muenze malu adi Maweja-Nangila musue. Uvua muenze malu mimpe anu bu tatuende Uziya, kadi kavua muenze tshilema tshia kubuela mu nzubu wa Maweja-Nangila. Kadi bena Yuda bavua bashale anu ne buenzayi buabu bua kale.

Ezela 7:6

Ezra uvua mumanye mikanda, uvua mumanye bikole meyi ne mikandu bivua Maweja-Nangila Mvidi Mukulu wa bena Izrayele muambile Moshe. Maweja-Nangila Mvidi Mukulu wende uvua mumupeteshe lumu. Ke pa wa Artashasta, mukalenga munene, mumupeshe bionsu biwaye ulomba.

Misambu 106:6

Tudi benza malu mabi avua batatu betu benze, tudi benza bibi, tudi bapila.

Misambu 89:31

“Pikala ndelanganyi yebe mibenga mikenji yanyi, kayiyi ilonda bindi nyambila,

Misambu 89:32

pikalabu banyanga mikandu yanyi, kabayi balama meyi anyi,

Yeshaya 1:4

Eyi, nudi tshisamba tshia bena tshibawu, tshisamba tshia bena buenzayi. Nudi ndelanganyi ya bantu babi, badi benda banyanguka. Nudi babenge Maweja-Nangila, nudi badiwule Mukalenga wa tshijila wa Izrayele, nudi bamuele nyima.

Danyele 9:11

Tshisamba tshijima tshia bena Izrayele tshiwa tshishipe mikenji yebe, tshisesuke ku malongesha ebe. Nanku milawu idi mifunda mu mikenji ya muena mudimu webe Moshe, yatukuatshi bua buntomboji buetu ebu.

Danyele 9:13

Maweja-Nangila Mvidi Mukulu wetu, makenga aa mmatukuate, bilondeshile mudibu bafunde mu mikenji ya Moshe. Kadi tuetu katuvua bakusengelele, bua utufuile luse. Katuena balekele mibi yetu. Katuena bangate meyi ebe ne mushinga.

Osheya 9:9

Nudi benza buenzayi bapitshishe, anu bu munuvua benze ku Ngibeya. Kadi, Maweja-Nangila kena mupue buenzayi buenu muoyi, neanunyoke bua malu mabi anuvua benze.

Lewitiki 27:34

Nenku ke mikenji ivua Maweja-Nangila mumanyishe Moshe pa mukuna wa Sinayi, bua ambile bena Izrayele.

Sefanya 3:7

Pashishe meme kuela meji ne: Yerushalayime neannemeke, neavuluke mibelu yanyi, neayitabe! Nanku, tshiakumubutula to, tshiakukumbaja bimvua mumukanyine nabi. Kadi bantu badi basombamu; badi lukasa lukasa amu bua kuenza malu mabi.”

Dielulula 4:1

Moshe kuambila kabidi bena Izrayele ne: Nuenu bitabe meyi ne mikenji bindi munulongeshe, nenuikale ne muoyi. Kabidi nenukuate ditunga dia Kenaane, didibu banupesha kudi Maweja-Nangila Mvidi Mukulu wa bankambua benu.

Dielulula 4:5

Panuafika mu ditunga dia Kenaane dinukuata, nukumbaje meyi ne mikenji bimvua munulongeshe, bu muvua Maweja-Nangila Mvidi Mukulu wanyi mungambile.

Dielulula 5:1

Moshe kubikila bena Izrayele bonsu, kubambila ne: — Bena Izrayele, telejayi meyi ne mikenji, bindi nnuambila lelu. Nubilonge, nubikumbaje.

Dielulula 6:1

Telejayi meyi ne mikenji, bidi Maweja-Nangila Mvidi Mukulu wenu mungambile bua kunulongesha, bua nubikumbaje mu ditunga dinukadi pa kubuela bua kudikuata mpindiewu.

Didimanyisha 19:2

Udi ukosa nsambu amu mudiyi! Bualu mmunyoke muena buendenda munene, uvua munyange buloba ne malu ende a bundu. Uvua mumusombuele, bualu uvua mushipe bantu bende.”