Misambu 96:8 - MUKANDA WA MYIDI MUKULU

⁸ Luayi numanyishe butumbi buende, buelayi mu lubanza lua nzubu wende, numutuadile milambu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nuambike Yehowa butumbi budi buakanangane ne dina diandi. Luai ne mulambu kudiye, nubuele mu biendedi bia tshitendelelu tshiandi.

Misambu 96:8 Խաչաձեւ Հղումներ

Misambu 100:4

Panudi nubuela mu nzubu wende wa pambelu, numuele tunkunduluila; mu nzubu wende wa munda, numutumbishe. Tumbishayi Maweja-Nangila, numusakidile bualu udi Mvidi Mukulu wenu.

Misambu 111:9

Uvua mutumine bantu bende lupandu, uvua mumanyishe ndondu wende bua ashale kashidi. Dina diende dia tshijila, didi dikuatshisha bantu bowa.

Misambu 116:19

mu lubanza lua nzubu wende wa tshijila, udi munkatshi muebe wewe, Yerushalayime. Tutumbishayi Maweja-Nangila, Aleluya!

Misambu 29:2

Vuayi, nusamune lumu lua Maweja-Nangila. Padiye uleja mudiye wa tshijila, nuiname panshi kumpala kuende.

Misambu 45:12

Mukalenga udi ukujinga bua mpala webe. Yeye ke mfumu webe mpindiewu, umutumikile!

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Yezekiyele 46:3

Nanku matuku a Dikisha ne a ngondu mupiamupia, bantu nebafike ku tshiibi etshi bua kuntendelela meme Maweja-Nangila.

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

Rome 15:16

dia meme kuikala muena mudimu wa Yezu Kristu bua bisamba bikuabu. Ndi nkumbaja mudimu wa tshijila wa mutuangaji ewu, pandi ndongesha Lumu lua Disanka lua Mvidi Mukulu, bua Mueyelu wa Tshijila ujidile bantu ba bisamba bikuabu, bikale bu mulambu udi ulengelela Mvidi Mukulu.

Filipe 2:17

Ndi kumpala kua Mvidi Mukulu bua kumulambula ditaba dienu. Pamue apa nebasakidile muoyi wanyi ku mulambu wenu. Nansha biobi bienzeka nanku, nensanke, nnubueje bonsu mu disanka adi.

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

Ebrewu 13:13

Nenku tuyayi kudiye ku mpenga kua mitanda, batupepeje muvuabu bamupepeje yeye.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”