Misambu 85:3 - MUKANDA WA MYIDI MUKULU

³ Udi mukupule tshilema tshia bantu bebe, mubabuikidile malu mabi abu.

Mukanda wa Nzambi Dihungila Dikulukulu ne Dihungila Dihia-dihia 2003

³ Wakumusha njiya yebe yonso, wakadikudimuna bua wewe kuikadi ne tshiji tshiebe tshidi tshitema.

Misambu 85:3 Խաչաձեւ Հղումներ

2 Kulondolola 6:39

nanku, wewe Maweja-Nangila udi musombe mu diulu, wikale muteleje. Umvua mudibu bakulomba, bakusengelela. Nanku ubambuluishe. Ubafuile luse bua malu mabi onsu adibu bakuenzele.

Misambu 106:23

Mvidi Mukulu kuamba ne: Ndi mbabutula, kadi Moshe, muntu uvuaye musungule, kuimanaye pankatshi, umukandika bua kayi kubutula bantu bonsu mu tshiji.

Misambu 78:38

Kadi yeye uvua mubanange, ubafuila luse, kayi ubabutula. Kavua ulonda muvua tshiji tshiende tshimuambila. kavua ulonda meji atshi,

Ekesode 32:22

Arone kuandamuna ne: — Mfumuanyi kumfikidi munda, bualu wewe nkayebe udi mumanye buenzayi bua bantu aba.

Yeshaya 12:1

Dituku diudi upeta lupandu, newambe ne: “Maweja-Nangila, ndi nkuela tuasakidila. Uvua mumfikile munda pa bualu. Kadi tshiji tshiebe tshiatuyi. Udi muvue kunsamba.

Yeshaya 40:1

Mvidi Mukulu udi wamba ne: Sambayi bantu banyi! Kanujingakanyi to!

Yeshaya 40:2

Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Yeshaya 6:7

Kudintuaye ku mishiku, wamba ne: “Tshibawu tshiebe tshiakujika, bubi buebe buakujimina, bualu kapia kakulenga ku mishiku yebe.”

Yirmeya 50:20

Meme Maweja-Nangila ndi ngamba ne: Tshikondu atshi, bantu nebakebe bilema bidi bena Izrayele nabi. Kadi kabakubisangana to. Nebakebe tshilema tshia bena Yuda, kadi kabakumona nansha tshimue to. Bualu bantu bandi mushiye ne muoyi, nembafuile luse.

Yezekiyele 16:63

Nanku, neuvuluke malu a kale. Bundu nebukukuate. Kuakuakula kabidi to. Kadi meme, nenkufuile luse ku bubi buonsu buuvua muenze. Meme Maweja-Nangila, ndi njadika bualu ebu.”

Yona 3:9

Bumue Mvidi Mukulu udi mua kushintulula meji ende, kutuyisha tshiji tshiende tshinene, tushale ne muoyi.”

Mika 7:19

Neutufuile kabidi luse, kuyi uvuluka malu etu mabi. Bubi buetu neubuimanshe muinshi mua mayi manene.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Dielulula 13:17

Nukungule bubanji buonsu bua mu tshimenga atshi muaba umue, muaba udi bantu bambilangane malu. Nubioshe musangu umue ne tshimenga atshi, bua bikale bu mulambu wa kuoshila Maweja-Nangila Mvidi Mukulu wenu. Tshimenga atshi nutshiupule bua kashidi, kabayi mua kutshiasulula kabidi to.

Dielulula 32:43

Bisamba bionsu bitumbishe bantu ba Maweja-Nangila. Maweja-Nangila neasombuele bua lufu lua bantu bende. Neanyoke baluishi ba bena Izrayele bonsu. Neafuile ditunga dia bena Izrayele luse, neasambe benadi.