Misambu 74:3 - MUKANDA WA MYIDI MUKULU

³ Ubande mu makolu: baluishi mbanyange nzubu webe mujima wa tshijila.

Mukanda wa Nzambi Dihungila Dikulukulu ne Dihungila Dihia-dihia 2003

³ Ambula makasa ebe bua kuya ku miaba yakubutuka tshiendelele; malu mabi onso akenza muena lukuna mu muaba webe wa tshijila.

Misambu 74:3 Խաչաձեւ Հղումներ

2 Bakalenga 25:9

Nebuzaradane kuosha nzubu wa Mvidi Mukulu, nzubu wa bukalenga, ne nzubu mikuabu ya mu tshimenga, nangananga nzubu yonsu ya bantu bamanyike bikole.

Nehemya 1:3

Kungambilabu ne: — Bantu bavua mu bupika. mbasombe mu ditunga dia bena Yuda. Kadi badi mu dikenga dinene. Kabidi bantu badi babapeja bikole. Bimana bia tshimenga tshia Yerushalayime mbiupuke miaba mivule. Biibi biatshi mbiosha ne kapia.

Nehemya 2:13

Mundankulu, meme kumuka mu tshimenga, kupatukila ku tshiibi tshia ku Tshibandabanda. Meme kuya luseke lua ku mpokolu wa mayi a Mamba-muntu, ne ku tshiibi tshia ku Dyala. Meme kukenketa bimana bia tshimenga. Meme kujadika ne: bimana bivua biupuke miaba mivule, kabidi biibi bivua biosha ne kapia.

Nehemya 2:3

Ke meme kuambila mukalenga ne: — Mfumuanyi, ndi nkujingila diakalenga kashidi! Meme tshiena mua kuikala ne disanka to, bualu tshimenga tshidibu bajike bankambua banyi ntshinyangakaja, kabidi biibi biatshi mbiosha ne kapia.

Misambu 44:23

Matuku onsu badi bakeba kutushipa, bualu tudi bantu bebe. Badi batutangila bu bana ba mikoku ba kuya kushipa.

Misambu 44:26

Bavua batubonde mu lupuishi, tuetu batue difu panshi.

Misambu 79:1

Musambu wa mu mukanda wa misambu ya Asafe. Eyi, Mvidi Mukulu, bantu benyi mbanyange muaba webe uudi usomba, mbashiye mikiya mu nzubu webe wa tshijila, Yerushalayime mmushale kabutu.

Yeshaya 10:6

Meme kubatuma bua kuluisha tshisamba tshidi tshimbenga. Meme kubambila bua kubunda tshisamba tshidi tshimfikisha munda. Meme kuanyisha bua biibe, bapawule bantu aba, babadiatakaje bu bitotshi bia mu njila.

Yeshaya 25:10

Tshianza tshia Maweja-Nangila, tshidi tshilama bimpe mukuna wa Siyone!” Kadi nebadiatakaje bena Mowabe. bu bisosa bidibu badiata ku makasa, mu tshiina tshia bufuke.

Yeshaya 61:4

Nebasulule nzubu muimpe muaba udi dikolu. Nebibakulule nzubu, uvuabu babumbule kale. Nebalongolole bimenga bivua binyanguke mutantshi mule.

Yirmeya 52:13

Uvua muoshe nzubu wa Mvidi Mukulu, nzubu wa mukalenga, ne nzubu ya mu tshimenga, nangananga nzubu yonsu ya bantu banene ba mu Yerushalayime.

Muadi 1:10

Baluishi mbapawule bubanji buende buonsu. Yerushalayime mmudimuene muvua bantu ba bisamba bikuabu babuele mu nzubu wa Mvidi Mukulu wende. Ke bantu bauvua wewe Maweja-Nangila mukandike bua kababuedi muaba webe wa kutendelela.

Danyele 11:31

Bena mvita bavuaye mutume nebanyange muaba wa tshijila. Nebakandike bantu, bua kabalambudi Mvidi Mukulu mulambu wa ku dituku ne ku dituku. Nebateke ‘Bualu bubi butambe’ ” pa tshilambuilu.

Danyele 9:17

Maweja-Nangila, Mvidi Mukulu wetu, teleja ditendelela ne dikusengelela dianyi. Bua banemeke dina diebe, utangile ne kalolu muaba webe wa tshijila udibu banyanga.

Danyele 9:27

Mu bidimu muanda mutekete bia ku nshikidilu, mfumu ewu neakengeshe tshisumbu tshinene tshia bantu bikole. Kunyima kua bidimu bisatu ne tshitupa, nealekeshe difila dia milambu ya kuosha, ne dia bintu bia pa madimi. Muena tshinyangu ewu neenze malu mabi ne lukasa luonsu, too ne diba didiye ufua lufu luvua Mvidi Mukulu mujadike.’ ”

Mika 1:3

Maweja-Nangila udi upatuka muaba udiye musombe. Udi utuluka, wendela pa mikuna ya buloba.

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Marke 11:17

Pashishe kubalongeshaye wamba ne: — Mu Mukanda wa tshijila mbafunde ne: “Nebabikile nzubu wanyi ne: nzubu udi bantu ba bisamba bionsu mua kutendelela.” Kadi nuenu nudi bamuenze muaba udi bivi mua kusokomena!

Luke 21:24

Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Yoshua 10:24

Bafike amu ne bakalenga abu kudiye, Yoshuwa kubikidisha bena Izrayele, kuambila balombodi ba bena mvita bavua nende mu mvita bua basemene pabuipi, ne: — Semenayi apa. Diatayi bakalenga aba mu nshingu. Balombodi ba bena mvita kuenza nanku.

Didimanyisha 11:2

Kadi kupimi lupangu lua pambelu pa nzubu wa Mvidi Mukulu to. Bualu mbalupeshe bantu ba bisamba bikuabu. Bantu abu nebadiatakaje tshimenga tshia tshijila ngondu makumi anayi ne ibidi.