Misambu 72:6 - MUKANDA WA MYIDI MUKULU

⁶ Bukalenga buende bulengelele bantu, bu mudi mvula uloka mu madimi, walengeja, bu mudi mvula wa mudimbi utotesha buloba, ubufukisha.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yeye neikale bu nvula udi uloka ha mashinde makoshibue, neikale bu nvula ya tunsense idi imiamina mai ha buloba.

Misambu 72:6 Խաչաձեւ Հղումներ

2 Samuele 23:4

udi bu diba didi dipatuka, dikenka mu dinda, kamuyi mavuba. Mvula mumane kukamuka, munya mutema, bintu kutoloka pa buloba.”

Misambu 65:10

Udi uditatshisha bua buloba, ulokesha mvula. Buloba budi bufuka, bukuama bimuma. Mvidi Mukulu, wewe udi uwuja misulu ne mayi tente, ulongoluela bantu maminu, wamenesha:

Nsumuinu 16:15

Mimuemue pa mpala wa mukalenga idi isanguluja bantu. Muoyi wende wa kalolu udi bu mvula udi utalaja buloba.

Nsumuinu 19:12

Tshiji tshia mukalenga tshidi tshikuata bowa bu muadi wa nyama wa ntambue. Kadi kalolu kadiye uleja muntu, kadi bu lumuma ludi lupueka pa bisosa, lufila tshitalela.

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Osheya 6:3

Tuenzayi muetu muonsu bua kumanya Maweja-Nangila, tukumbaje bidiye musue. Difika diende ndimane kujadika, anu bu mudi butuku butshia misangu yonsu. Neafike bua kutuambuluisha, bu mudi mvula mbedi uloka, bua kutalaja buloba.”

Mika 5:6

— Bena Izrayele badi bashala ne muoyi munkatshi mua bisamba bia bungi, nebikale bu lumuma ludi Maweja-Nangila ulokesha, bu mvula ulokela pa bisosa. Kabena balomba bantu tshintu, badi batekemena amu Maweja-Nangila.

Dielulula 32:2

Bindi ndongesha bitampakane miaba yonsu, bu mudi mvula usankisha madimi. Mibelu yanyi imuangalake, mudi lumuma lutangalaka ku bisosa.