Misambu 6:7 - MUKANDA WA MYIDI MUKULU

⁷ Mikemu yanyi mmimpungije. Butuku bujima ndi ndila amu kudila, mbolesha bulalu buanyi ne binsonji.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mesu anyi adi mondoke ne tshinyanu bualu bua kanyinganyinga kanyi, adi alua bileshileshi bualu bua bena lukuna banyi.

Misambu 6:7 Խաչաձեւ Հղումներ

2 Bakalenga 20:3

— Eyi! Maweja-Nangila, uvuluke bionsu bimvua ngenza. Mvua mukuitabe ne muoyi mujima. Mvua anu ngenza malu mimpe bua kukusankisha! Pashishe, Izkiya kudila bikole.

Yobe 17:7

Bua dikenga dindi nadi, mesu anyi adi amona bilejileji, mubidi udi mpindiewu anu bu mundidimbi.

Yobe 7:3

Ngondu ya bungi idi ipita, meme ndi amu nkenga bikole. Butuku buonsu ndi amu mu lutatu.

Misambu 32:3

Pamvua tshiyi ntonda bubi buanyi, bukole buanyi buvua buenda bukepela, meme kutua mikemu butuku ne munya.

Misambu 38:10

Maweja-Nangila, wewe udi mumanye tshindi njinga, mumvue kabidi mikemu yanyi.

Misambu 69:4

Ndi mupungile ne diela mbila, muminu unsama. Mvidi Mukulu wanyi, mvua mukutangile, mutekemene kuudi, mesu kunkunza kunzuu!

Misambu 88:9

Udi mungipatshile banyi balunda, ndi muenze tshintu tshibipe kudibu. Ndi muinjidile mu nzubu kudi makenga, tshiena mua kumupatuka.

Yirmeya 45:3

Udi udila muadi ne: “Akia! Malu anyi onsu adi amu mabi! Meme mudianjile kuikala ne ntatu ya bungi, Maweja-Nangila, untumina kabidi mikuabu. Ndi mupungile ntua mikemu, tshiena ne dikisha nansha dikese!”

Muadi 5:17

Muoyi wetu udi usama munda, mesu etu adi muwule ne binsonji,