Misambu 47:2 - MUKANDA WA MYIDI MUKULU

² Bisamba bionsu, tutayi nkashi. Nutumbishe Mvidi Mukulu ne mbila ya disanka.

Mukanda wa Nzambi Dihungila Dikulukulu ne Dihungila Dihia-dihia 2003

² Bualu bua Yehowa, Mutambe Bunene wa mu Diulu, udi ukuatshisha bantu buowa, udi Mukelenge munene wa ha mutu ha buloba buonso.

Misambu 47:2 Խաչաձեւ Հղումներ

Nehemya 1:5

kumuambila ne: — Ndi nkusengelela Maweja-Nangila Mvidi Mukulu wa mu diulu, Mvidi Mukulu munene wa kutshina! Wewe udi ukumbaja ndondu webe ne bantu badi batumikila mikenji yebe. Kabidi bantu bonsu badi bakunanga, kuena ubalekela to.

Misambu 145:6

Bantu bambilangane bua bukole buebe budi bukuata bowa! Kadi meme nemmanyishe malu manene audi muenze.

Misambu 47:7

Tumbishayi Mvidi Mukulu, numuimbile misambu. Samunayi mukalenga wetu, numukokuele.

Misambu 65:5

Muena diakalenga mmuntu uudi musungule bua asombe mu nzubu muebe. Netusanke, tutshionkomoka, bua bilenga bipite, bitudi tupeta muaba webe wa tshijila.

Misambu 68:35

Ambilayi bantu bonsu ne: Mvidi Mukulu udi ne bukole, udi Mukalenga munene mu Izrayele, butumbi buende mbutue mulu, mbutue panshi!

Misambu 76:12

Uditshipe kudi Maweja-Nangila, Mvidi Mukulu webe wenze muuvua mumulaye. Nuenu bonsu badi bamunyunguluke, nufike ne milambu yenu kudi Mvidi Mukulu wa kutshina.

Misambu 95:3

Bualu Maweja-Nangila, udi Mvidi Mukulu munene. mMukalenga munene udi upita mvidie yonsu.

Misambu 99:3

Bakutumbishe wewe Mvidi Mukulu munene, udi ukuatshisha bantu bonsu bowa! — Eyowa, udi wa tshijila!

Malaki 1:14

Muntu udi ne nyama mimpe mu bimuna biende, undaya nyama muimpe, kadi undinga, undambula nyama udi ne tshilema, mmuena diakabi. Bualu meme ndi mukalenga munene udi bisamba bionsu bitshina. Meme Maweja-Nangila wa bukole buonsu udi njadika nanku.

Matayi 28:18

Ke Yezu kusemena pabuipi nabu, ubambila ne: — Mvidi Mukulu mmumpeshe bumfumu buonsu mu diulu ne pa buloba.

Dielulula 28:58

Nuenu bena Izrayele, nukumbaje mikenji yonsu ya Mvidi Mukulu, idibu bafunde mu mukanda ewu. Nunemeke udibu binyike dina edi dia butumbi dia “Maweja-Nangila Mvidi Mukulu wenu.”

Dielulula 7:21

Kanutshinyi bisamba ebi to. Maweja-Nangila Mvidi Mukulu wenu udi nenu. Kakuena muntu udi mua kuambangana nende to.