Misambu 41:1 - MUKANDA WA MYIDI MUKULU

¹ Musambu wa mu mukanda wa mulombodi wabena misambu. Wamu mukanda wa misambu ya Davide.

Mukanda wa Nzambi Dihungila Dikulukulu ne Dihungila Dihia-dihia 2003

¹ Disanka didi kudi muntu udi wela meji a luse bua muntu udi ne mubidi mutekete! Yehowa neamuhandishe mu dituku dia dikenga.

Misambu 41:1 Խաչաձեւ Հղումներ

Misambu 112:9

Udi upesha bapele bintu tshipapa, Mvidi Mukulu udi umuanyisha matuku onsu. Bukole buende ne butumbi bidi bivulangana.

Misambu 34:19

Udi pabuipi ne badi ne kanyinganyinga, upandisha badi kabatshiyi ne ditekemena.

Misambu 37:19

Bantu abu kabakufua bundu diba dia dikenga. Mu bikondu bia nzala nebapete bonsu bidibu nabi dijinga.

Misambu 37:26

Matuku onsu muntu awu udi ufuila bantu luse, ubambuluisha. Bana bende badi ne muabi.

Nsumuinu 14:21

Muntu udi upepeja mukuende udi wenza bibi. Kadi muntu udi wenzela mupele bimpe udi muena diakalenga.

Nsumuinu 16:14

Padi mukalenga ufika munda, udi mua kufikisha muntu ku lufu. Kadi muntu wa lungenyi udi umutuyisha.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Muambi 12:1

Vuluka mufuki webe mu matuku a bunsonga buebe. Umuvuluke, matuku a dikenga kaayi manji kufika. Tshikondu tshikuabu newambe ne: “Bia panu bionsu bidi bintonda.”

Yirmeya 39:17

Kadi pafika dituku dia dikenga, tshiakuanyisha bua uye mu bianza bia bantu baudi utshina.

Marke 14:7

Bualu nenuikale ne bapele matuku onsu, nenku misangu yonsu inudi basue nudi mua kubenzela bimpe. Kadi meme kanuena nanyi matuku onsu to.

Bienzedi 20:35

Mvua munuleje misangu yonsu ne: ke munudi ne bua kukuata mudimu bikole bua kuambuluisha bakengi. Nuvuluke miaku ivua Mfumu Yezu muambe ne: “Disanka dia kupa ndipite dia kupeta.”

Ngalate 2:10

Bavua batulomba amu, bua tuvuluke bakengi ba mu Tshisumbu tshiabu bavua mu Yerushalayime. Ke tshimvua muenze muanyi muonsu.

1 Tesalonike 5:14

Bana hetu, tudi tunusengelela ne: belayi bena lulengu. Kankamikayi bena buowa, ambuluishayi badi kabayi ne dikanda, ikalayi ne lutuulu kudi bantu bonsu.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.

Didimanyisha 3:10

Bualu uvua mukumbaje diyi, dimvua mukutumine ne: una-nukile. Nanku meme panyi nenkulame tshikondu tshia dikenga tshikadi pa kufika pa buloba bujima, tshiatetabu bantu badi basapu.

Rute 2:19

Nowemi kumukonka ne: — Uvua muenze mudimu lelu penyi? Uvua mupumbulule bionsu ebi mu budimi bua nganyi? Mvidi Mukulu ele muntu uvua mukuakidile biakane ewu lupemba! Rute kulondela mamuenende bionsu biwabu bamuenzele, wamba ne: — Bintu ebi ndi mubipumbulule mu budimi bua Bowaze.