Misambu 37:4 - MUKANDA WA MYIDI MUKULU

⁴ Disanka diebe dikale amu kudi Maweja-Nangila. Nanku neakupeshe bionsu biudi umulomba.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Wikale ne disanka diebe mu Yehowa, ne yeye neakuhe milombu idi mutshima webe ulomba.

Misambu 37:4 Խաչաձեւ Հղումներ

Yobe 22:26

Nanku, neumone mua kutekemena kudi Mvidi Mukulu wa bukole buonsu, neumujoje amu yeye ne mimuemue pa mpala pebe.

Yobe 27:10

Pa mutu pa kusamuna Mvidi Mukulu amu lelu, uvua ne bua kukeba diakalenga diende kudi Mvidi Mukulu, kutendelela wa bukole buonsu matuku onsu.

Yobe 34:9

Uvua wamba ne: “Muntu udi utekemena kudi Mvidi Mukulu, kena upeta tshia nsongu.”

Misambu 104:34

Maweja-Nangila, musambu wanyi ukulengelele, meme ndi ne disanka bua pandi nebe wewe Mvidi Mukulu!

Misambu 145:19

Udi witaba malomba a badi bamulamate, ubasungidila padiye umvua bamubila.

Misambu 43:4

Mvidi Mukulu wewe udi disanka dianyi, nensemene ku tshilambuilu tshiebe, nkutumbishe ne lunzenze, bualu wewe ke Mvidi Mukulu wanyi!

Nsumuinu 10:24

Tshidi bantu babi batshina tshidi tshibatulukila. Tshidi bantu bakane bajinga badi batshipeta.

Musambu wa Solomo 2:3

Padi munanga wanyi munkatshi mua bansongalume nende, udi bu mutshi muimpe wa bimuma munkatshi mua mitshi ya ditu. Ndi ne disanka dia kuikisha mu dileji diawu, dia kupola bimuma biawu bisheme.

Yeshaya 58:14

nenku meme nengikale mpokolu wa disanka dienu. Meme Maweja-Nangila nennutumbishe ku mutu kua bionsu. Nennusombeshe talalaa, mu ditunga divua nkambua wenu Yakobe mupete bu bumpianyi. Meme Maweja-Nangila ndi ndaya nanku.”

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Yowanane 15:7

Panudi bashale munda muanyi, kabidi miaku yanyi mishale munda muenu, lombayi binudi basue, nenubipete.

1 Petro 1:8

Kanuyi banji kumona Yezu Kristu, nudi numunanga; kanuyi numumona mpindiewu, nudi numuitaba. Ke panudi nusanka nutshionkomoka kabiyi mua kuamba.