Misambu 27:10 - MUKANDA WA MYIDI MUKULU

¹⁰ Nansha tatu ne mamu bandekela, wewe, Maweja-Nangila, neungakidile.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nansha biandekela tatu wanyi ne mamu wanyi, Yehowa neangambule.

Misambu 27:10 Խաչաձեւ Հղումներ

2 Samuele 16:11

Mukalenga Davide kuambila kabidi balombodi bonsu ba mu bukalenga buende ne Abishayi ne: Pikala muananyi, muananyi menemene undi mulela, ukeba mua kunshipa, kanukemi bua padi Shimeyi, muena Binyamine, umpenda. Mulekelayi, ampende! Misangu mikuabu, Maweja-Nangila ke udi mumutume bua kumpendaye.

Misambu 69:8

Badi bampenda, bangela bibingu, bualu ndi muntu webe!

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yeshaya 49:15

Kadi Maweja-Nangila udi wandamuna ne: Mukaji udi mua kupua muana udiye wamusha mabele muoyi anyi? Udi mua kubenga kunanga muana uvuaye muambule mu difu diende anyi? Bushuwa, misangu mikuabu udi mua kumupua muoyi, kadi meme tshiena nkupua muoyi to.

Matayi 10:36

Baluishi ba muntu nebikale anu bena diku diabu.

Yowanane 16:32

Kadi tshikondu netshifike, — ntshimane kufika mene — tshianutangalajabu bonsu buenu, muntu yonsu ku nzubu kuende. Nenunshiye nkayanyi. Kadi tshiena nkayanyi to, bualu Tatu udi nanyi.

Yowanane 9:35

Yezu kumvua mu wabu bipate mpofu. Kusambakenaye nende, kumukonkaye ne: — Udi witaba Muana wa muntu anyi?

2 Timote 4:16

Diba dimvua ndilumbuluila musangu wa kumpala, muntu nansha umue kavua mutue ku tshianyi to. Bonsu bavua banshiye. Mvidi Mukulu kabashi tshilumbu atshi to!