Misambu 20:3 - MUKANDA WA MYIDI MUKULU

³ Akuambuluishe mu nzubu muende mudiye, akukuatshishe biangatshile mu Siyone!

Mukanda wa Nzambi Dihungila Dikulukulu ne Dihungila Dihia-dihia 2003

³ Yeye avuluke milambu yonso ya bia kudia iudi ufila, ne itabushe milambu yebe ya kumuoshila ne disanka!

Misambu 20:3 Խաչաձեւ Հղումներ

Genese 4:4

Ebele pende kumulambula banabute ba mikoku mimpe ya mafuta. Maweja-Nangila kuanyisha milambu ya Ebele,

1 Kulondolola 21:26

Davide kuashila Maweja-Nangila tshilambuilu muaba awu. Kuambulaye Maweja-Nangila milambu ya kuosha ne ya bobumue. Pashishe kutuadijaye kutendelela Maweja-Nangila. Maweja-Nangila kuteleja Davide, kumutumina kapia. Kuoshaku milambu ivua pa tshilambuilu.

2 Kulondolola 7:1

Shelomu mumane kujikija ditendelela Maweja-Nangila, kapia kufuma mu diulu, kuosha milambu ya kuosha, ne ya bobumue. Butumbi bua Maweja-Nangila kuwula mu nzubu wa Mvidi Mukulu.

Misambu 128:5

Maweja-Nangila akuele lupemba, biangatshile bu nzubu wende mu Siyone! Umone disanka dia mu Yerushalayime, pautshidi ne muoyi!

Misambu 134:3

Maweja-Nangila anuele lupemba, biangatshile ku nzubu wende mu Siyone, yeye ngudi mufuke diulu ne buloba!

Misambu 51:19

Mvidi Mukulu wanyi, mulambu undi mua kukulambula, mmuoyi wanyi wa kulekela kuditambisha. Mvidi Mukulu wanyi, kubengi muoyi wanyi udi mupite kunyingalala bikole.

Yeshaya 60:7

Nyama ya bena Kedare, neisangile kumpala kuebe. Mikoku ya bimpanga ya bena Nebayote neikale yebe. Nebaye nayi pa tshilambuilu tshia Maweja-Nangila. Neikale milambu idi ilengelela Maweja-Nangila. Mvidi Mukulu neavudije lumu lua nzubu wende bikole.

Lewitiki 9:24

Diakamue kapia kufuma kudi Maweja-Nangila, kutema, kuosha milambu ya kuosha yonsu, ne mafuta a ku milambu mikuabu bivua pa tshilambuilu. Bantu bonsu bamone nanku, kuelabu tunkunduluila. Pashishe kudielabu mpala panshi.

Bienzedi 10:4

Korneliyuse kutangila mutumibue wa Mvidi Mukulu ne bowa, kumuebeja ne: — Mukalenga, udi wamba bishi? Mutumibue kuandamuna ne: — Mvidi Mukulu udi ukuvuluka, ukuanyisha bua dimutendelela diebe, kabidi ne bua bintu biudi upesha bapele.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.