Misambu 2:5 - MUKANDA WA MYIDI MUKULU

⁵ Pashishe udi ubakanyina ne tshiji, ubinduluka, ubakuatshisha bowa, wamba ne:

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hashishe, yeye neakule nʼabo mu tshiji tshiandi, neabatshinyishe mu tshiji tshiandi tshikole, wamba ne,

Misambu 2:5 Խաչաձեւ Հղումներ

Misambu 109:20

Ke mudi Maweja-Nangila wenzela bonsu badi bansonguela kudiye, ne badi banjana nanku.

Misambu 21:9

Mukalenga, neukuate baluishi bebe, tshianza tshiebe katshiakupanga badi bakukina.

Yeshaya 11:4

Nealumbuluile bantu badibu bapetula. Neakose tshilumbu tshia bapele ba mu ditunga amu pa tshiotshi. Meji ende adi bu mutshi wa kutekesha nawu bantu ba mu ditunga. Udi ukosa nsambu, ushipesha muena tshibawu.

Yeshaya 34:2

Maweja-Nangila udi mufikile bisamba bionsu bia bantu munda. Udi ne tshiji bualu buabi. Maweja-Nangila mmumane kushindika dibutuka diabi. Mmumane kuanyisha bua bifue.

Yeshaya 66:6

Telejayi amu mutoyi udi mu tshimenga, mutoyi udi mu nzubu wa Mvidi Mukulu. Ke Maweja-Nangila udi unyoka baluishi bende, bua malu abu mabi.

Zekâya 1:15

Kadi bisamba bidi bisomba talalaa, biditemba, ndi mbifikile munda bikole. Bualu pamvua tshiyi muanji kufikila bena Izrayele munda bikole, biobi bivua bibabutula bibi.

Matayi 22:7

Mukalenga kufika munda bikole. Kutumaye tshiluilu tshiende, bua kushipa bashipianganyi aba, ne kuosha tshimenga tshiabu.

Luke 19:27

Kadi bena lukuna banyi bavua kabayi basue bua meme kuikala mukalenga wabu, fikayi nabu apa. Nubashipe, meme mutangile.”

Didimanyisha 1:16

Uvua ne mitotu muanda mutekete mu tshianza tshiende tshia balume. Muele mutue wa nkanza uvua upatuka mukana muende. Mpala wende uvua ukenka bu diba munda munya.

Didimanyisha 19:15

Mukana muende muvua mupatuka muele mutue wa kutapa nawu bisamba bidi bimubenga. Neabiludike ne dikombu dia tshiamu. Neabizaze mudibu bazaza tumuma tua nwinyo mu tshikaminu. Ke mudiye utalaja tshiji tshia Mvidi Mukulu wa bukole buonsu tshidi tshikuatshisha bantu buowa.