Misambu 18:2 - MUKANDA WA MYIDI MUKULU

² Maweja-Nangila, ndi mukunange, Wewe udi bukole buanyi.

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa udi dibue dianyi, musoko wanyi wa ngumbu ya nvita, ne musungidi wanyi. Udi Nzambi wanyi, dibue dianyi mundi nnyemenamu. Udi ngabu wanyi, ne lusengu lua luhandu luanyi, tshibumba tshianyi tshile.

Misambu 18:2 Խաչաձեւ Հղումներ

2 Samuele 22:3

Mvidi Mukulu wanyi udi lubuebue luanyi, muaba undi musokome tshiyi mua kupeta njiwu. Udi ngabu udi mundame, muaba mukole undi nyemena bua kupanda. Ndi nkeba mua kusokoma pabuipi nende, bua ansungidile ku malu makole onsu.

Misambu 116:1

Ndi munange Maweja-Nangila bualu udi unteleja pandi mmubikila

Misambu 132:17

Nempatuishe mukalenga wa lumu, wa ku ndelanganyi ya Davide mu Siyone. Nentekemu mukalenga undi mulabe manyi, bu mudibu bateka muendu mutemesha.

Misambu 144:2

Yeye ke ditekemena dianyi ne tshisokomenu tshianyi, muaba wanyi mukole undi nsokomena, ne ngabu wanyi wa lupandu. Yeye ngudi untekeshila bisamba bia bantu.

Misambu 19:14

Ungepule ku ditambisha, bua kadivu kumpita bukole. Nanku nengikale tshiyi kalema, tshiyi muena tshibawu.

Misambu 28:1

Musambu wa mu mukanda wa misambu ya Davide. Maweja-Nangila ndi nkutendelela, wewe Lubuebue luanyi, teleja mbila yanyi. Wewe mubenge kunteleja, nkadi bu muntu udi ukeba kukula muoyi.

Misambu 59:11

Mvidi Mukulu wanyi udi unnanga. Ke mudiye ungambuluisha, undeja mudi baluishi banyi babutuka bonsu.

Misambu 62:2

Kudi Mvidi Mukulu ke kundi mpeta dikisha, kudiye ke kundi ntekemena lupandu.

Misambu 62:7

Yeye nkayende ke lubuebue luanyi, muaba mukole undi mua kusokomena. Tshiena ntshina tshintu to.

Misambu 75:10

Kadi meme tshiakupuwa to. Nengimbile Mvidi Mukulu wa Yakobe misambu, mmanyishe bantu bionsu bivuaye muenze.

Misambu 91:2

Muntu awu neambile Mvidi Mukulu ne: “Wewe udi musoku mukolesha undi nsokomena, wewe ke Mvidi Mukulu wanyi, undi ngeyemena.”

Misambu 91:4

Neakulame, neusangane tshisokomenu kudiye, bu muana wa nzolu, usokoma mu mapuapua a mamuende. Bulelela buende budi bu ngabu udi ukulama.

Ekesode 15:2

Maweja-Nangila udi bukole buanyi. Anu yeye ke Musungidi wanyi. Udi Mvidi Mukulu wanyi. Ndi tumutumbisha. Udi Mvidi Mukulu wa tatu wanyi. Ndi mmanyisha bantu bunene buende.

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Nsumuinu 2:7

Udi wambuluisha bantu badi babenga malu mabi. Udi bu mudi ngabu udi ulama badi benza biakane.

Yeshaya 32:2

Yonsu wa kudibu neenze amu bimpe, yonsu neikale bu muaba utudi mua kunyemena, padi lupepele ne mvula wa tshipupu bitukuata. Yonsu neikale bu musulu udi upueka mu buloba buume, bu dileji didi lubuebue lunene lufila mu ditunga dia luya lupite.

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Ebrewu 2:13

Udi wamba kabidi ne: “Nentekemene kudi Mvidi Mukulu.” Kabidi ne: “Ke meme ewu ne bana bavua Mvidi Mukulu mumpeshe.”