Misambu 1:5 - MUKANDA WA MYIDI MUKULU

⁵ Dituku didi Mvidi Mukulu ubalumbuluisha, kabakubinga. Kabena mua kubuela mu tshisumbu tshia bantu badi balamata Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nunku bantu babi kabena bajalame halua kulumbuluisha kuabo. Benji ba malu mabi kabena bamanye mua kushala mu disangisha dia bantu bakane.

Misambu 1:5 Խաչաձեւ Հղումներ

Misambu 24:3

— Nnganyi udi mua kubanda pa mukuna wa Maweja-Nangila? Nnganyi udi mua kubuela mu nzubu wende wa tshijila?

Misambu 26:9

Kunshipi bu muena tshibawu, kungumushi panu bu mushipianganyi.

Misambu 5:5

Mvidi Mukulu, wewe kuena wanyisha buenzayi. Muntu mubi kena mua kufika kuudi.

Misambu 9:16

Bisamba bia bantu mbidishinde mu tshiina, tshivuabi biumbuile bisamba bikuabu. Bukondu buvuabi biele mu musokoku mbubijingile.

Malaki 3:18

Pashishe nenumone dishilangana didi pankatshi pa bantu bimpe ne bantu babi, pankatshi pa badi benzela Mvidi Mukulu mudimu ne badi kabayi bamuenzela mudimu.

Matayi 13:49

Ke muenzekabi dituku dia nshikidilu nanku. Batumibue ba Mvidi Mukulu nebavue kutapulula babi eku, bempe kuaka.

Matayi 25:32

Bisamba bionsu bia pa buloba nebisangile kumpala kuende. Neabuluje bantu ne bakuabu, bu mudi mulami wa nyama wabuluja mikoku ne mbuji ya mpumbu.

Matayi 25:41

Pashishe mukalenga neambile bantu badi ku diende dia bakaji ne: “Umbukayi pandi, nuenu badi Mvidi Mukulu muele mulawu! Nuye mu kapia ka tshiendelele, kavuabu balongoluele diabolu ne batumibue bende!

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Luke 21:36

Kanuladi tulu to! Nutendelele diba dionsu, bua nupete bukole bua kupitshisha bimpe bionsu bidi ne bua kuenzeka, ne bua kumueneka bakankamane kumpala kua Muana wa muntu.

Yuda 1:15

bua kulumbuluisha bantu bonsu, ne bua kunyoka bantu babi bonsu, bua malu mabi avuabu benze, pavuabu batombokele Mvidi Mukulu, ne bua miaku yabu mibi ivuabu bamujane nayi.”