Mika 2:7 - MUKANDA WA MYIDI MUKULU

⁷ Bena Izrayele, mbabatshipe anyi? Maweja-Nangila kena ne lutulu anyi? Utu ne tshibidilu tshia kulujimija anyi?” Kadi meyi anyi adi alengelela amu bantu badi benda mu njila udi Mvidi Mukulu muanyishe.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nebamanye mua kunukonka, nuenu Bena Yakoba, ne, Nyuma wa Nzambi kena ne lutulu, anyi? Ebi mbienzedi biandi, anyi? Mei andi kaena alengesha muntu udi wenda mu buakane, anyi?

Mika 2:7 Խաչաձեւ Հղումներ

Misambu 119:65

Maweja-Nangila, udi muenzele muena mudimu webe bimpe, bu muuvua mulaye.

Misambu 119:68

Maweja-Nangila, udi muimpe, wenza malu mimpe, undongeshe biudi musue.

Misambu 15:2

— Ke muntu udi kayi kalema, wenza tshidi Mvidi Mukulu musue, wamba amu bidi bilelela.

Misambu 18:26

Maweja-Nangila, wewe udi unanga badi bakunanga, usankisha bikole, badi bakutumikila.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Nsumuinu 10:29

Maweja-Nangila udi tshieyemenu tshia bantu bakane, kadi udi ubutula badi benza bibi.

Nsumuinu 10:9

Kusomba biakane nkusomba talalaa. Muntu mubi neatunduke.

Nsumuinu 14:2

Muntu udi wenda mu njila wa buakane, udi utshina Maweja-Nangila. Kadi udi wenda mu njila mikonyangale udi umupepeja.

Nsumuinu 2:7

Udi wambuluisha bantu badi babenga malu mabi. Udi bu mudi ngabu udi ulama badi benza biakane.

Nsumuinu 28:18

Muntu udi ulonda njila mululame neasombe talalaa. Kadi muena mpala ibidi, udi dikasa mu mayi dikuabu ku mukuna, neadishinde panshi.

Yeshaya 50:2

Pamvua mufike bua kunusungidila, tshivua musangane muntu bua tshinyi? Pamvua mubabikile, kabavua bangandamune bua tshinyi? Maboku anyi mmatambe buipi anyi? Tshiena ne mushindu wa kunuambuluisha anyi? Ndi mupange dikanda bua kunusungidila anyi? Kadi vulukayi ne: meme muakule amu muaku umue, ndi ngumisha mayi manene, ndi ngandamuna misulu yenza tshipela. Nenku, mishipa neipange mayi, neifue nyota, neituadije kubola.

Yeshaya 58:1

Maweja-Nangila udi wamba ne: Ela lubilu lukole. Kulekedi to. Diyi diebe difike kule, bu mudi muadi wa mpungi. Vuluija bantu banyi mudibu bantombokela. Manyishayi ndelanganyi ya Yakobe bilema biayi.

Yirmeya 15:16

Paudi mungambile malu, diakamue meme kuteleja bimpe, kuvuluka muaku webe onsu. Muaku webe kunguwuja ne disanka, kungenza muena diakalenga. Bualu mbanjidile mu dina diebe wewe, Maweja-Nangila wa bukole buonsu.

Yirmeya 2:4

Nuenu ndelanganyi ya Yakobe, nuenu bena mu bisamba bionsu bia Izrayele, telejayi bindi ngamba.

Osheya 14:9

Bena Efrayime, mpingu idi inuenzela tshinyi? Meme ke udi upesha bena Efrayime bionsu bidibu balomba. Meme ke udi ubalama. Meme ndi mutshi wa siprese udi usasa matuku onsu kauyi uuma to. Meme ke udi ubapesha maminu.

Mika 3:9

Ndi nnubela nuenu, bamfumu ba ndelanganyi ya Yakobe, ne bakoshi ba nsambu ba bena Izrayele. Nudi nubenga kuenza malu mimpe, nukosa bilumbu bibi.

Dibadika 11:23

Maweja-Nangila kuandamuna Moshe ne: — Meme ndi ne bukole bua kukumbaja bionsu abi. Wewe nkayebe neudimuene amu mpindiewu mundi mbikumbaja.

Matayi 3:8

Enzayi malu adi aleja ne: tudi basue kukudimuna mioyi yetu.

Yowanane 8:39

Kumuandamunabu ne: — Tatuetu ke Abrahame. Yezu kubambila ne: — Bu nuenu bikale bana ba Abrahame, nuvua mua kukuata midimu ivuaye mukuate.

Rome 7:13

Kadi tshintu tshimpe tshidi mua kumpetesha lufu anyi? Nansha kakese! Amu bubi ke budi bunkebela lufu. Buvua budimuenesha mudibu bubi menemene. Buvua bubuela mu tshidi tshimpe, bua kunkebela lufu. Ke muvua bubi budileja bu bualu bubi menemene, bualu bua meyi ne mikandu.

2 Korente 6:12

Tuetu katuvua banubenge, kadi nuenu nuvua bambenge.

2 Timote 3:5

Nebamueneke ku mesu bu bantu badi bitaba Mvidi Mukulu, kadi mundamunda muabu kabayi bamanye bukole bua badi bamuitaba. Nanku umuke kudi bantu abu!