Malaki 3:11 - MUKANDA WA MYIDI MUKULU

¹¹ Nenkandike bishi bua kabinyangi bia pa madimi, kabipangishi mionji yenu ya nwinyo bua kukuamayi. Meme Maweja-Nangila wa bukole buonsu ndi nnulaya nanku.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yehowa wa misumba udi wamba ne, Nenkanyine mudi wa bia kudia, bua yeye kabutudi bintu bidi buloba buenu bumenesha; ne muonshi wenu wa tumuma mu budimi kawena uhohoka tumuma tua nvinyo hatshididi tubishe.

Malaki 3:11 Խաչաձեւ Հղումներ

Dielulula 11:14

nealokeshe mvula anu pa diba diende, bua nupete biakudia bimpe, ntete ya bungi ya kuenza bukula, maluvu a mvinyo, ne mafuta.

Yowele 2:22

Nuenu, nyama ya mu tshisuku, kanutshinyi kabidi, bualu bisosa bia mu mpata mbisampile, mitshi mmikuame bimuma, mitshi ya mfiku ne mionji ya mvinyo mmikuame bipite bungi.

Zekâya 8:12

Nentume ditalala mu buloba: mionji ya nwinyo neikuame tumuma, buloba nebumene biakudia, mvula neyiloke ya bungi. Bantu banyi badi bashale ne muoyi, nembapeteshe bintu ebi bionsu.

Yowele 2:20

Baluishi benu badi batumina ku mutu kua ditunga, nembipate mutantshi mule, ku maloba a bipela ne minanga. Nengimanshe bena mvita babu badi benda kumpala mu Mayi manene a luepu; badi kunyima nembimanshe mu Mayi manene a pankatshi. Bitalu biabu nebinunke bibi, bantu kabayi mua kueyela bimpe. Nanku bantu bonsu bawa bakuenzela malu mabi mapite, nebajimine.

Yowele 1:4

Tshintu tshiyuabu bashiye mu madimi kudi meshi, nebatshidie kudi mpasu; tshiwa mpasu mishiye, nebatshidie kudi mintuntu; tshivua mintuntu mishiye, nebatshidie kudi mpasu ya mikumbi.

Agayi 2:17

Meme kunyanga biakudia bionsu bia mu madimi enu: meme kukumisha, kubibolesha, kubinyangakaja ne mabue a mvula. Kadi kanuena bapingane kundi meme Maweja-Nangila to.

Amosa 4:9

Mvua mutumine bia pa madimi emu mabeedi, bua bifube, bibolele mu madimi. Ndi munyange mitshi yenu, ne mionji ya mvinyo; mpasu kudia mitshi ya mfiku, ne ya olive. Kadi kanuena bapingane kundi. Meme Maweja-Nangila ndi njadika nanku.

Abakuke 3:17

Mitshi ya mfiku kayena ikuama bimuma, mu mionji ya nwinyo kamuena tumuma, ku mitshi ya olive kudi kutupu, biakudia kabiena bitoloka mu madimi, mu mpangu kamuena mikoku, ngombe kayena ilala mu bikumbi.

Yowele 1:12

Mionji ya nwinyo mmiume, mitshi ya mfiku mmifube. Mitshi yonsu ya bimuma mmishawuke. Disanka dionsu ndijike munkatshi mua bantu.

Yirmeya 8:13

Maweja-Nangila udi wamba ne: pandi musue kupola tumuma tua mvinyo munkatshi mua bantu banyi, tshiena mpeta kamuma nansha kamue, tshiena mpeta tshimuma nansha tshimue tshia mutshi wa mfiku. Mabeji a mutshi mene adi mafubidile. Nanku, ndi ndekela mitshi eyi, ishale ya bantu bonsu badi bapita mu njila.

Yowele 1:7

ibutula mitshi yetu ya mfiku butubutuu, iyikunya, iyivula bizubu, ishiya amu ku matamba kutooka too.

Osheya 2:21

Izrayele, nenkusele, ushale muena kuanyi kashidi. Biuma bindi nkusela nabi, ke dikulamata dianyi, ke bilenga bindi nkuenzela, ke dinanga dindi nkunanga nadi, ke luse lundi nkufuila.

Yowele 2:25

Maweja-Nangila udi wamba ne: “Nennupingajile bintu bienu, biwabu badie kudi meshi, mintuntu, ne mpasu ya mikumbi, bimvua munutumine bisumbu ne bisumbu bua kunukengesha.

Agayi 1:11

Meme kunutumina minanga mu ditunga: pa mikuna, mu madimi a ntete ya kuenza bukula, a mionji ya nwinyo, a mitshi ya olive, ne mu madimi a bikunyibua bikuabu bionsu. Bantu ne nyama kukenga ku minanga ayi. Nanku, nuvua bakuate mudimu amu tshianana.”