Luke 24:6 - MUKANDA WA MYIDI MUKULU

⁶ Katshiena apa. Ukadi mubiike ku lufu. Nuvuluke miaku ivuaye munuambile patshivuaye mu Ngalileya.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yeye kena kunoko, wakubika; numiluke bu muakanuambileye hakadiye mu Galela ne,

Luke 24:6 Խաչաձեւ Հղումներ

Matayi 12:40

Bualu, bu muvua Yona mushale munda mua mushipa munene munya ne butuku matuku asatu, ke muashala Muana wa muntu munda mua buloba munya ne butuku matuku asatu.

Matayi 16:21

Bituadijila ku tshikondu atshi, Yezu kubanga kumanyisha balongi bende patoke ne: — Ndi ne bua kuya mu Yerushalayime. Muine amu bakulu, batuangaji banene, ne balongeshi ba mikenji, nebankengeshe bikole. Nebanshipe, kadi dituku disatu nembike ku bafue.

Matayi 27:63

Kumuambilabu ne: — Mukalenga, tudi tuvuluka muvua muena dishima ewu, pavuaye ne muoyi, muambe ne: “Kunyima kua matuku asatu, nembike ku bafue.”

Matayi 28:6

Kena apa to. Ukadi mubike ku bafue muvuaye muambe. Kanumonayi muaba uvua tshitalu tshiende.

Marke 16:6

Kadi yeye kubambila ne: — Nudi nukeba Yezu wa mu Nazarete uvuabu bapopela pa mutshi mutshiamakane. Ukadi mumane kubiika ku lufu, kena apa nansha. Jojayi muaba uvuabu bamuteke. Kanutshinyi nansha.

Marke 8:31

Pashishe Yezu kubanga dilongesha balongi bende, wamba ne: — Muana wa muntu neakenge bikole. Bakulu, batuangaji banene ne balongeshi bamikenji, nebamubenge. Nebamushipe, kunyima kua matuku asatu neabiike ku lufu.

Luke 24:34

babambila ne: — Bushuwa, Mfumu mmubiike ku bafue! Simone mmumumone!

Luke 24:5

Bakaji abu kutshina, binama panshi. Ke bantu babidi abu kubakonka ne: — Muntu udi ne muoyi, nudi numukeba munkatshi mua bantu bafile bua tshinyi?

Luke 9:22

Kubambilaye kabidi ne: — Muana wa muntu neakenge bikole. Bakulu, batuangaji banene, ne balongeshi ba mikenji, nebamubenge, bamushipe. Kadi dituku disatu neabike ku lufu.

Luke 9:44

— Nuvuluke bimpe tshindi nnuambila mpindiewu ne: nebafile Muana wa muntu mu bianza bia bantu.

Bienzedi 2:24

Kadi Mvidi Mukulu mmumubishe ku lufu, mumumbushe ku makenga a lufu, bualu kavua mua kushala ku bumfumu bua lufu.

2 Tesalonike 2:5

Kanuena bavuluke mumvua munuambile bionsu abi, pantshivua nenu anyi?