Luke 23:32 - MUKANDA WA MYIDI MUKULU

³² Kuyabu kabidi mu njila ne bantu balume babidi bena tshibawu, bua babashipe musangu umue ne Yezu.

Mukanda wa Nzambi Dihungila Dikulukulu ne Dihungila Dihia-dihia 2003

³² Bakadi baya ne bantu bakuabo babidi, benji ba malu mabi, bua kubashiha nʼandi.

Luke 23:32 Խաչաձեւ Հղումներ

Yeshaya 53:12

Ke pandi mumuteke, mu mulongu wa bantu banene. Neabanye bintu bia mu mvita pamue ne bilobu. Uvua mudifile, mudipuekeshe, too ne ku lufu, mmuditeke mu mulongu wa benzayi. Kadi uvua muambule pa makaya ende, bilema bia bantu bakuabu bonsu. Uvua muakuile bena tshibawu, bua babafuile luse.”

Matayi 27:38

Pashishe bavua bapopela kabidi bivi babidi pa mitshi mitshiamakane, ewu ku dia balume, mukuabu ku dia bakaji dia Yezu.

Marke 15:27

Bavua bapopele bantomboji babidi ku nseke yonsu ya Yezu: umue ku dia balume diende, mukuabu ku dia bakaji diende. [

Luke 22:37

Bualu ndi nnujadikila ne: miaku idibu bafunde mu Mukanda wa tshijila bualu buanyi bua ne: “Batua bamuteke munkatshi mua benji ba malu mabi,” neikumbane. Bushuwa matuku anyi akadi ku ndekelu.

Luke 23:31

Bualu padibu benzela lukunyi lubishi nanku, kadi lukunyi luume nebaluenzele tshinyi?

Yowanane 19:18

Bamane kufika muaba awu, basolayi kupopela Yezu ku mutshi mutshiamakane. Musangu umue, bavua bapopela kabidi bantu balume bakuabu babidi pa mitshi mitshiamakane, muntu ku luseke, muntu ku luseke, Yezu munkatshi.

2 Timote 2:9

Ndi nkenga, mbansuike kabidi mu nkanu bu muena buenzavi, bualu ndi mmanyisha bantu Lumu lua Disanka elu. Kadi kabena mua kusuika muaku wa Mvidi Mukulu ne nkanu to.

Ebrewu 12:2

Tutangile Yezu, mfuki wa ditaba dietu, udi mua kudifikisha kabidi ku bujima buadi. Bua kupeta disanka divuabu bamulamine, kuitabaye bua bamushipe ku mutshi mutshiamakane, kayi umvua bundu bua lufu lua mushindu ewu. Mpindiewu udi musombe ku dia balume dia nkuasa wa butumbi wa Mvidi Mukulu.