Luke 16:17 - MUKANDA WA MYIDI MUKULU

¹⁷ Diulu ne buloba bidi mua kujimina. Kadi kalu nansha kamue kadibu bafunde mu mikenji kakena mua kujimina to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kujimina kua diulu ne buloba mbualu bukese, kadi kuhona kua katoba kamue ka mikenshi ya Mose mbualu bunene.

Luke 16:17 Խաչաձեւ Հղումներ

Yeshaya 40:8

Tshisosa tshidi tshiuma, tshilongu tshifubidila. Kadi muaku wa Mvidi Mukulu wetu, udi ushala ne bukole kashidi.”

Yeshaya 51:6

Tangila mulu, mu diulu! Tangila panshi, pa buloba! Diulu nedijimine bu muinshi. Buloba nebusunsuke bu tshilamba. Bantu nebafue bu njiji. Kadi lupandu lundi ntuadila bantu, nelushale kashidi tshiendelele. Bumfumu buanyi kabuakuikala ne ndekelu.

Matayi 5:18

Ndi nnujadikila bulelela ne: too ne muajimina diulu ne buloba, kabena mua kukupula dileta nansha dikese, kalu nansha kamue ka mu mikenji. Bionsu bidi mikenji yamba, nebikumbane.

Luke 21:33

Diulu ne buloba nebijimine. Kadi miaku yanyi kayakujimina to.

Rome 3:31

Nanku bualu bua ditaba tudi tunyanga mushinga wonsu wa mikenji anyi? Nansha kakese! Ke mutudi tuangata mikenji ne mushinga wayi menemene.

1 Petro 1:25

Kadi muaku wa Maweja-Nangila udi ushala kashidi.” Muaku awu ke Lumu lua Disanka luvuabu banumanyishe.

2 Petro 3:10

Kadi dituku dia Mfumu nedifike bu muivi. Dituku adi diulu nedibutuke ne mutoyi mukole. Kapia nekoshe bia mulu bionsu. Buloba ne bidipu bionsu nebijimine.

Didimanyisha 20:11

Pashishe meme kumona nkuasa munene mutoke wa butumbi, ne uvua musombepu. Buloba ne diulu bivua bimunyema lubilu, bijimina kashidi.

Didimanyisha 21:1

Pashishe meme kumona diulu dipiadipia ne buloba bupiabupia. Diulu dia kumpala ne buloba bua kumpala bikavua bijimine. Mayi manene kaatshivuaku to.

Didimanyisha 21:4

Neabakuupule binsonji bionsu ku mesu. Lufu kaluakuikalaku kabidi, nansha madilu, nansha miadi, nansha dikenga. Bikulukulu nebishile bipiabipia muaba.’’