Luke 15:28 - MUKANDA WA MYIDI MUKULU

²⁸ Nanku muanabute kufika munda, kubenga kubuela mu nzubu. Tatuende kupatuka, kumusengelela.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Kadi yeye wakadi ne tshishi, wakahidia kubuela mu nsubu; tatu wandi wakaluhuka, wakamusengelela.

Luke 15:28 Խաչաձեւ Հղումներ

Yeshaya 65:5

Badi bambila bantu badi basambakena nabu ne: “Semenayi kule, kanundengi to, bualu ndi muntu wa tshijila. Patupu nudi mua kufua.” Pandi mmona malu adibu benza, ndi mpeta amu tshiji.

Yeshaya 66:5

Nuenu badi bateleja diyi dia Maweja-Nangila ne luzakalu, bamuitaba, umvuayi tshidiye unuambila. Nudi ne bena kuenu, badi banudiwula, banuipata munkatshi muabu, bualu nudi balamate Mvidi Mukulu. Badi banuamba, baseka ne: “Maweja-Nangila aleje bukole buende tumone munudi basanka!” Kadi bobu nebafue bundu.

Yirmeya 35:16

Bena Rekabe pabu bavua balonda mukenji wa kudi Yonadabe nkambua wabu. Kadi nuenu bena Yuda kanuvua banteleje to.”

Yona 4:9

Mvidi Mukulu kukonka kabidi Yona ne: — Udi ufika munda bua mutshi ewu, pa bualu anyi? Yona kuandamuna ne: — Eyowa, ndi mufike munda pa bualu, ndi mua kufua mene.

Matayi 20:11

Kadi, bamane kupeta difutu diabu, kutontololabu bivua muena budimi bua nwinyo muenze,

Marke 1:40

Muena nsudi kufika kudi Yezu, kumufuila binu, umusengelela wamba ne: — Bu wewe musue, udi mua kungondapaku.

Luke 13:34

“Yerushalayime we, Yerushalayime we, wewe udi ushipa bambi. Bantu badi Mvidi Mukulu ukutumina, udi ubasa mabue. Misangu bungi munyi imvua musue kukongoloja bantu bebe, mudi nzolu ukunguja tuana tuende mu mapuapua. Kadi kuvua musue nansha.

Luke 15:2

Kadi Baparushe, ne balongeshi ba mikenji, bavua basodia, bamba ne: — Kia! Muntu ewu udi wakidila bantu ba lumu lubi, udia nabu!

Luke 15:27

Muena mudimu kumuandamuna ne: “Muanenu wa balume mmupingane. Tatuebe mmushipeshe muana wa ngombe utuvua badiundishe, bualu muanende mmupingane ne bukole bua mubidi.”

Luke 15:29

Kadi muana mukulu kuambila tatuende ne: “Teleja, meme ndi mukuenzele mudimu bidimu bipite bungi. Tshiena muanji kubenga mukenji webe nansha umue to. Kadi katshia kuena muanji kumpesha nansha kana ka mbuji bua meme kusanka ne balunda banyi.

Luke 24:47

Badi ne bua kulongesha bisamba bionsu mu dina diende, kutuadija ku Yerushalayime, ne: kudiye ke kudi bantu mua kupeta bukole bua kudilengeja, bua Mvidi Mukulu abajimijile mibi yabu.

Luke 5:30

Baparushe ne balongeshi ba mikenji ba mu tshisumbu tshiabu kubinduluka, bakonka balongi ba Yezu ne: — Nuenu nudi nudia, nunua ne balambuishi, kabidi ne bantu bakuabu ba lumu lubi, bua tshinyi?

Luke 7:39

Muparushe uvua mubikile Yezu, umona nanku, kuelaye meji ne: “Bu muntu ewu muambi wa Mvidi Mukulu bulelela, uvua mua kujingulula mukaji ewu, kumanya ne: mmuena malu mabi.”

Bienzedi 13:45

Kadi bena Yuda bamona bungi bua bantu abu, kupetabu lubabu, babenga bivua Polu wamba, bamupenda kabidi.

Bienzedi 13:50

Kadi bena Yuda kusonsola bakaji ba baneme bavua bamane kubuela mu Tshisumbu tshia bena ditaba ba bena Yuda, ne balombodi ba tshimenga, bua bakebele Polu ne Barnabase mvita. Nanku kubipatabu mu ditunga diabu.

Bienzedi 14:19

Bena Yuda ba mu Antiyokiya wa mu Pisidiya, ne ba mu Ikoniyume, kufika. Kuenzejabu bantu, bua batue ku tshiabu. Nanku bantu kuasa Polu mabue, kukeba kumushipa. Pashishe kumupulumunabu, kupatuka nende mu tshimenga, bamanye ne: mmufue.

Bienzedi 14:2

Kadi bena Yuda bakuabu bavua babenga kuitaba, kusonsolabu bantu ba bisamba bikuabu, bua baluishe bana betu abu.

Rome 10:19

Ndi nkonka kabidi ne: Bena Izrayele kabavua bajingulule Lumu alu anyi? Ndi ngandamuna bangabanga bidi Moshe wamba ne: “Mvidi Mukulu udi wamba ne: Nenjule lubabu luenu, bua nubabe bantu badi kabayi tshisamba mene. Nenjule tshiji tshienu, bua nufikile tshisamba tshia bantu badi kabayi ne lungenyi munda.”

2 Korente 5:20

Ke mutudi tuakula mu dina dia Kristu. Mvidi Mukulu mene udi unubikila patudi Umuambila ne: “Mu dina dia Kristu tudi tunusengelela ne: nuanyishe bua Kristu anutuangaje ne Mvidi Mukulu.”

1 Tesalonike 2:16

Bualu badi benza muabu muonsu, bua katumanyishi bantu ba bisamba bikuabu mudibu mua kupanda. Ke mudibu buwuje bungi bua malu mabi, avuabu benze mu bikondu bionsu. Kadi mpindiewu tshiji tshia Mvidi Mukulu tshikadi pambidi pabu.

1 Samuele 17:28

Kadi, Eliyabe muanabute, mukulu wa Davide, kumvua muvua Davide wakula ne bena mvita, kufikaye munda, ukonka Davide ne: — Udi mufike kuneku bua tshinyi? Mikoku yebe ayi udi mushile nganyi mu thipela? Ndi mukumanye bimpe. Udi kana ka tshianana, kena lutambishi. Uvua mufike kuneku amu bua kumona mvita!

1 Samuele 18:8

Shawule uvua ne tshiji tshikole, mufike munda bua musambu awu. Uvua udiambila munda ne: “Badi batumbisha Davide ne: mmushipe bantu binunu makumi ne makumi, meme bantumbisha anu bua tshinunu.