Luke 11:9 - MUKANDA WA MYIDI MUKULU

⁹ Nanku meme ndi nnuambila ne: lombayi, nenupete; kebayi, nenumone; kokolayi ku tshiibi, nebanunzuluile.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Ndi nuambila ne, Nulombe, nebanuhe; nukebe, nenumone; nukokole, nebanunzuluile.

Luke 11:9 Խաչաձեւ Հղումներ

Misambu 118:5

Pamvua mu dikenga, meme kubikila Maweja-Nangila, kungitabaye, kumpandisha.

Misambu 27:4

Tshimue tshindi njinga menemene, ndomba kudi Maweja-Nangila, se nkusomba mu nzubu wende matuku anyi onsu, nkutumbisha bilenga bidiye mungenzele, nkumanya tshidiye musue.

Misambu 27:8

Ndi mvuluka miaku yebe ya ne: “Pingana kundi.” Ke pandi mpingana kuudi wewe, Maweja-Nangila.

Misambu 34:10

Nuenu bantu ba Maweja-Nangila, nuitabe bumfumu buende. Badi bamutumikila, kabakukenga kantu.

Misambu 34:4

Tukobuelayi bonsu Maweja-Nangila. Tutumbishe tshiapamue lumu luende.

Misambu 50:15

Pakukuata dikenga, umbikile nenkusungidile. Nenku neuntumbishe!

Musambu wa Solomo 5:6

Meme kunzuluka munanga wanyi ku mbelu lubilu. Kadi ukavua mumane kuya. Kavua kabidi ku tshiibi. Mvua njinga bikole kumvua diyi diende. Meme kumuipatshila, kumukeba, kadi nansha meme kumumona. Meme kumubikila, kadi kavua mungitabe.

Yeshaya 45:19

Meme tshiena muakule mu musokoku. Muaku wanyi kawena ufuma mu miidima. Tshiena mutumine ndelanganyi ya Yakobe diyi, bua inkebele muaba udi mutupu. Meme Maweja-Nangila ndi ngamba malu amu patoke. Malu onsu andi mmanyisha mmalelela. Ndi ngakumbaja.”

Yirmeya 29:12

Diba adi, nuenu bambikile, bantendelele, meme Maweja-Nangila nennuteleje.

Yirmeya 33:3

Umbikile meme, nenkuandamune. Nenkujinguluile malu manene masokoka audi kuyi mumanye to.

Danyele 9:3

Meme kujila biakudia, kuvuala bilamba bikayapale, kudilaba butu. Meme kutangila kudi Maweja-Nangila Mvidi Mukulu, bua kumutendelela ne kumusengelela.

Matayi 21:22

Bu nuenu nuitaba, nenupete bionsu binudi nulomba mu ditendelela.

Matayi 21:31

Ku bana babidi aba, udi muenze tshivua tatuende musue nnganyi? Kumuandamunabu ne: — Anu muana wa kumpala. Nanku Yezu kubambila ne: — Ndi nnujadikila bulelela ne: balambuishi ba bitadi, ne bakaji bena buendenda, nebanudianjidile mu Bukalenga bua Mvidi Mukulu.

Matayi 6:29

Kadi ndi nnuambila ne: nansha Shelomu, uvua ne bubanji bua bungi, kavua ne bilamba bimpe bipite tshilongu nansha tshimue!

Marke 11:24

Ke pandi nnuambila ne: Panudi nutendelela bua kulomba tshintu, nuitabe ne: nudi bamane kutshipeta kundi, nebanupeshetshi.

Marke 13:37

Bindi nnuambila ebi, ndi nnuambila bonsu ne: Tabalayi!

Luke 11:10

Bualu muntu yonsu udi ulomba tshintu, udi utshipeta. Udi ukeba, udi umona. Udi ukokola ku tshiibi, badi bamunzuluila.

Yowanane 14:13

Nengenze bionsu binualomba mu dina dianyi, bua Muana amueneshe butumbi bua Tatu.

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Yowanane 15:7

Panudi bashale munda muanyi, kabidi miaku yanyi mishale munda muenu, lombayi binudi basue, nenubipete.

Yowanane 4:10

Yezu kumuandamuna ne: — Bu wewe mumanye bidi Mvidi Mukulu upeshangana, mumanye kabidi muntu udi ukulomba mayi a kunua, wewe ke uvua mua kumulomba mayi, yeye kukupesha mayi a muoyi.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

2 Korente 6:2

Bualu Mvidi Mukulu udi wamba mu Mukanda wa tshijila ne: “Tshikondu tshia kukuleja mundi nkunanga tshimane kufika, ke meme kukuteleja. Dituku dia kukusungidila dimane kufika, ke meme kubambuluisha.” Telejayi! Lelu ke tshikondu tshinudi ne bua kuanyisha bua Mvidi Mukulu anunange, ke dituku didiye mua kunusungidila.

Ebrewu 11:6

Kadi muntu kena mua kusankisha Mvidi Mukulu padiye kayi ne ditaba. Bualu muntu udi usemena pabuipi ne Mvidi Mukulu udi ne bua kuitaba ne: Mvidi Mukulu udiku, udi ufuta badi bamukeba.

Ebrewu 4:16

Nenku tusemenayi ne ditekemena dionsu ku nkuasa wa butumbi wa Mvidi Mukulu, muaba udiye utuleja ditunanga diende. Netupeteku dijimija dia mibi. Neatulejeku mudiye utunanga, bua tupete diambuluisha diba dionsu ditudi tudikengela.

Yakobe 1:5

Kadi padi muntu wa kunudi ubula meji, aalombe kudi Mvidi Mukulu. Neamupeshewu, bualu Mvidi Mukulu udi upesha bonsu ne kalolo kabidi ne disanka.

Yakobe 5:15

Panudi ntendelela ne ditaba, Mvidi Mukulu neapandishe mubedi, amupingajile bukole bua mubidi, ajimije mibi yende.

1 Yone 3:22

Bionsu bitudi tulomba, tudi tubipeta kudiye, bualu tudi tulonda mikenji yende, tuenza tshidiye musue.

Didimanyisha 2:24

“Kadi nuenu, bena ditaba bakuabu ba mu Tshisumbu tshia mu Tiyatira, kanuvua bitabe dilongesha dibi edi; kanuvua balonge bidi bantu aba bamba ne: ‘mMalu masokome a diabolu’. Ndi nnujadikila ne: tshiena mua kunuomekela bujitu bukuabu to.