Luke 11:52 - MUKANDA WA MYIDI MUKULU

⁵² Nuenu balongeshi ba mikenji, nudi bena diakabi! Bualu nudi bumushe nsapi idibu mua kunzulula nayi tshiibi tshia muaba wa kumanya malu. Nuenu mene kanuena numubuela. Kadi nudi nukandika kabidi badi bajinga kubuelamu.

Mukanda wa Nzambi Dihungila Dikulukulu ne Dihungila Dihia-dihia 2003

⁵² Nuenu bamanyi ba mikenshi, mulau ulualua kunudi, bua nuenu nuakunyenga luvungula lua ku lungenyi; kanuakubuelamu, nuakuhumbisha kabidi bakadi babuela!

Luke 11:52 Խաչաձեւ Հղումներ

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Matayi 22:35

Umue wabu, mulongeshi wa mikenji, uvua musue kuteta Yezu. Kumukonkaye ne:

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Luke 11:53

Yezu mumane kupatuka mu nzubu amu, balongeshi ba mikenji ne Baparushe kumufikila munda bikole, kumuela nkonku ya mishindu yonsu.

Bienzedi 5:40

Ke kubikilabu bapostolu, kubatuutshishabu nkodi, kubakandika bua kabatedi kabidi dina dia Yezu. Nanku kubalekelabu.