Kolose 4:6 - MUKANDA WA MYIDI MUKULU

⁶ Miaku yenu ibasankishe, ibalengelele. Numanye mua kuandamuna muntu yonsu bimpe.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mei enu ikale ne ngasa misangu yonso, matue bu lueho, bua nuenu mimanye mua kuandamuna muntu ne muntu dî.

Kolose 4:6 Խաչաձեւ Հղումներ

1 Kulondolola 16:24

Manyishayi bantu bonsu butumbi buende. Manyishayi bukua bisamba malu a dikema adiye muenze.

Misambu 105:2

Numuimbile misambu, numutumbishe nayi, nuambilangane malu ende a kukema onsu.

Misambu 119:13

Mishiku yanyi idi ibala mapangadika onsu audi muambe.

Misambu 119:46

Nengambile bakalenga mikenji yebe, tshiyi mfua bundu.

Misambu 45:2

Muoyi wanyi udi muwule ne miaku milenga, pandi nsaka musambu ewu bua mukalenga. Ludimi luanyi ludi luwimba bilenga, amu bu mudi mufundi wa dilambu ukeba kufunda bimpe ne kasala kende.

Misambu 66:16

Nuenu bonsu, bantu ba Mvidi Mukulu, vuayi nunteleje, nennuambile bidiye mungenzele.

Nsumuinu 10:21

Miaku ya muntu muakane idi iludika bantu ba bungi. Kadi bapote badi bafue bua dibenga kuela meji.

Nsumuinu 15:4

Miaku idi ikolesha muntu mu maboku, idi imusanguluja. Kadi miaku ya tshikisu idi inyanga muoyi wa muntu.

Nsumuinu 15:7

Miaku ya muena meji idi itangalaja dimanya. Kadi batshimbakane badi mu mitu mutupu.

Muambi 10:12

Padi muntu wa meji wakula, bantu badi basanka. Padi muntu mutshimbakane wakula, bantu badi badiwula.

Yezekiyele 43:24

Ubintuadile meme Maweja-Nangila Mvidi Mukulu. Batuangaji bele luepu pambidi pabi, bandambule nyama eyi bu milambu ya kuosha.

Lewitiki 2:13

“Nudi mua kuela luepu mu milambu yonsu ya bintu bia pa madimi. Bualu luepu ntshimanyinu tshia ndondu udi pankatshi penu ne Mvidi Mukulu. Nanku nuikale nuela luepu mu milambu yonsu.

Matayi 5:13

— Bu mudi luepu mu biseki, ke munudi nuenu mu bantu. Kadi pikala luepu lutshipale, tshidi mua kulutuisha kabidi ntshinyi? Kaluena ne diambuluisha kabidi to. Badi baluimansha, bantu baludiata.

Marke 9:50

Luepu ntshintu tshimpe. Kadi padilu lutshipale, nebalutuishe kabidi bishi? Ikalayi batue bu badi ne luepu munda muenu. Sombayi ne ditalala munkatshi muenu.

Luke 4:22

Bantu bonsu bavua bamukema, bakatshila bua miaku ya pa dinanga ivuaye muambe. Bavua bakonkangana ne: — Yeye ki mmuana wa Yozefe anyi?

Efeze 4:29

Kanuakudi muaku wa nsenda nansha umue. Kadi nuakule anu miaku milenga, idi ikolesha bantu ku muoyi, ilengelela badi banuteleja.

Dielulula 11:19

Nulongeshe bana benu mikenji eyi, nuyitele diba dionsu, panudi nusomba ku nzubu yenu, nansha panudi nuendakana mu njila, panudi nulala nansha panudi nubika.

Kolose 3:16

Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

1 Petro 3:15

Kadi mu mioyi yenu nunemeke Kristu bu Mfumu wenu. Diba dionsu nuikale amu ne muoyi wa kuandamuna bonsu badi banukonka ne: nu-tumvuije ditekemena didi munda muenu.