Kolose 1:5 - MUKANDA WA MYIDI MUKULU

⁵ Pavua Lumu lua Disanka, ludi lunuambila malu malelela, lufike kuenu musangu wa kumpala, batua banumanyishe ditekemena didilu lunupetesha. Nenku ditaba ne dinanga binudi nabi, bidi bishindamene pa binudi nutekemena, bidibu banulamine mu diulu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ bualu bua ditekemena didi dinutekedibue mu diulu, dinuakadianjila kunyua lumu luadi mu di dia bushua dia lumu luimpe

Kolose 1:5 Խաչաձեւ Հղումներ

Misambu 31:19

Bena dishima aba bashale tumama. Badi baditambisha, bapepeja bantu badi kabayi ne bualu, babafunda.

Luke 12:33

Nupane bintu bienu, nupeshe bapele makuta anuapeta. Kebayi mua kupeta bibuta bidi kabiyi binyanguka. Kungujayi bubanji mu diulu, mudibu kabuyi bujimina. Muamua bivi kabena mua kubuangata. Misanda kayena mua kubunyanga.

Bienzedi 10:36

Nudi bamanye Lumu lua Disanka ludi Mvidi Mukulu mumanyishe bena Izrayele. mMubambile ne: nenupete bupole kudi Yezu Kristu, Mfumu wa bantu bonsu.

Bienzedi 13:26

Bana betu, nuenu ndelanganyi ya Abrahame, kabidi ne nuenu bena bisamba bikuabu bitabi ba Mvidi Mukulu, mbatutumine tuetu bonsu mukenji wa lupandu ewu.

Bienzedi 23:6

Bu muvua Polu mumanye ne: mu Tshipangu mudi Basaduke ne Baparushe, ke kuelaye diyi dikole, wamba ne: — Bana betu, meme ndi Muparushe, muana wa Baparushe. mBamfunde ku tshilumbu, bualu ndi ngitaba, ntekemena ne: bafue nebabike!

Bienzedi 24:15

Ndi mutekemene kudi Mvidi Mukulu, amu mudibu bobu mene batekemene ne: bantu bimpe ne babi nebabiike ku bafue.

Rome 10:8

Tshidibu basue kuamba ntshinyi? Mbambe ne: “Muaku wa Mvidi Mukulu udi pabuipi nebe. Udi mukana muebe, ne mu muoyi webe.” Muaku awu ke dilongesha ditudi tulongesha ne: nuitabe.

1 Korente 13:13

Mpindiewu, bisatu abi bidi bishala: ke ditaba, ditekemena, ne dinanga. Kadi ku bisatu abi tshidi tshipite bikuabu ke dinanga.

1 Korente 15:19

Patudi tutekemena Kristu amu bua matuku atudi tusomba panu, diakabi dietu ndipite dia bantu bakuabu bonsu.

2 Korente 5:19

Bualu Mvidi Mukulu mmukuate mudimu, bua Kristu alengeje bantu bonsu nende. Kavua musue kuvuluka kabidi malu abu mabi. mMutupeshe kabidi mudimu wa kumanyisha bantu mudibu mua kudilengeja nende.

2 Korente 6:7

ku malu atudi tulongesha amu pa wowu, ne ku bukole butudi tupeta kudi Mvidi Mukulu. Nanku tshia mvita tshitudi tudisungidila natshi, nansha tshitudi tuluisha natshi bakuabu, ke malu mimpe atudi tuenza, adi Mvidi Mukulu ne bantu mua kuanyisha.

Ngalate 2:14

Pamvua mumone mu wabu benza malu mabi, adi abengangana ne Lumu lua Disanka, meme kubela Petro kumpala kua bantu bonsu, kunuambila ne: “Wewe, muena Yuda, uvua usomba munemu amu bu bantu ba bisamba bikuabu, kuyi ulonda mikenji ya bena Yuda. Kadi mmunyi muudi musue mpindiewu, bua bantu ba bisamba bikuabu balonde bibidilu bia bena Yuda?”

Ngalate 2:5

Kadi tuetu, katuena bitabe nansha kakese bivua bantu aba balombe, bua numone mua kuitaba Lumu lua Disanka pa lolu.

Ngalate 5:5

Kadi tuetu ku bukole bua Mueyelu wa Tshijila, udi ukuata mudimu patudi tuitaba, tudi bindile, batekemene se: Mvidi Mukulu neatubingishe.

Efeze 1:13

Nuenu kabidi diba dinuvua bumvue muaku mulelela, Lumu lua Disanka ludi lunupetesha lupandu, nuvua bitabe Kristu. Diba adi Mvidi Mukulu uvua munupe Mueyelu wende uvuaye mulaye, munutue tshitampi tshiende, bua kunuleja munudi bantu bende menemene.

Efeze 4:21

Bulelela, nuvua bumvue bamba, banulongesha malu ende. Nanku nudi ne bua kulonda njila mulelela wa Yezu.

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

Kolose 3:16

Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

1 Tesalonike 2:13

Tudi tuela amu kuela Mvidi Mukulu tuasakidila kabidi, bualu patuvua tunumanyisha muaku wa Mvidi Mukulu, nuvua bauteleje, bawitabe, kanuyi bautangile bu muaku wa muntu, kadi amu bu muaku wa Mvidi Mukulu. Bushuwa muaku awu uvua uleja muvuawu wa Mvidi Mukulu menemene, bualu uvua ukuata mudimu munda muenu nuenu badi bitaba.

2 Tesalonike 2:16

Mvidi Mukulu Tatu wetu mmutunange, mmutupe kabidi ditekemena dishindame ku luse luende, bua tuindile ne muoyi mukole matuku adi kumpala. Tudi tumulomba, tulomba ne Mfumu wetu Yezu Kristu,

1 Timote 1:15

Bindi ndongesha ebi bidi bilelela. Bantu bonsu bitabe ne: Yezu mmufike pa buloba bua kusungidila bantu babi. Meme ndi mubapite bonsu ku bubi.

2 Timote 4:8

Mpindiewu tshidi tshinshadile tshidi amu bua meme kupeta nsala wa lumu. Mfumu, udi ukosa nsambu pa yoyi, neangele ka lumbandi dituku dia Tshilumbuluilu. Kakungela amu meme nkayanyi. Kadi neele kabidi bantu bonsu badi bindila ne dinanga diba didiye mua kumueneka.

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

Ebrewu 7:19

Bualu mikenji ya Moshe kayivua ifikisha bualu nansha bumue ku bujima buabu. Kadi ditekemena dipite buimpe difikile kutudi. Diodi ke didi ditusemeja pabuipi ne Mvidi Mukulu.

1 Petro 2:2

Nufuane bana batekete badibu balela mpindiewu. Bu mudibu bajinga mabele, adibu kabayi basambakaja ne tshintu tshikuabu, nuenu kabidi nujinge kumanya muaku wa Mvidi Mukulu amu pa wowu, bua numone mua kukola nawu mu ditaba, kupeta lupandu.

1 Petro 3:15

Kadi mu mioyi yenu nunemeke Kristu bu Mfumu wenu. Diba dionsu nuikale amu ne muoyi wa kuandamuna bonsu badi banukonka ne: nu-tumvuije ditekemena didi munda muenu.

2 Petro 1:12

Ke pandi nnuvuluija malu aa matuku onsu, nansha nuenu bamane kuamanya, bashindame mu bulelela bunudi bapete.

1 Yone 3:3

Muntu yonsu udi windila bualu ebu, mutekemene kudi Kristu, udi udilengeja ku bubi buonsu, bu mudi Yezu Kristu kabidi kayi ne bubi.